possitne verbum "nunc" cum tempore futuro adhiberi,quaeritur

[ille ego qui]

nihil de hac re apud BS repperi.
bene valete

[ille ego qui]

"Ich fahre jetzt ins Schwimmbad"
an non potest, quin verbum "iam" pro "nunc" adhibeatur?

[durgicola]

et dixit potui poenas tibi phoebe dedisse
sed peperisse prius duo nunc morientur in una

ov. me. nescioquem locum

[ille ego qui]

maximas gratias, optime Matthaeo, pro loco utilissimo!
potestne fieri, ut ista sit quasi licentia poetica? an idem in oratione numeris soluta facile fieri posse putas?

cura ut valeas.

p.s.: vidistine porro, amice, quid in meis "exercitationibus stilisticis" quaesivissem de fine agminis exspectantium (quod agmen germanice serpentem appellare solemus ... quomodo Italice?). facile intelleges, de qua re agatur. iudicium tuum me multum iuvabit.

[durgicola]

gaudeo quidem quod hac in re tibi usui fuerim Christiane tamen quid sit causae quin adverbium nunc cum tempore futuro adhiberi possit non video siquidem plurima eiusmodi exempla passim ubique inveniuntur; vide sis senarium hocce plauti

Nunc ibo ut visam sitne ita aurum ut condidi

Quod attinet autem ad hominum "turbam expectantium" significandam, qui quandam similitudinem cum pensis (vel formicis, angue etc) prae se ferunt eam itali non multo secus ac vos germani "fila" dicimus. Vale!

[RM]

Potest!
nunc autem explicabo, voluptas ipsa quae qualisque sit, ... (Cic, Fin, 1, 37)

RM

[Tiberis]

eam itali non multo secus ac vos germani "fila" dicimus

Itali eam rem etiam caudam (> coda) appellare solent: fare la coda > schlange stehen. nec tamen Latine reddere licebit "facere caudam"

[ThomasVulpius]

"Ich fahre jetzt ins Schwimmbad"
an non potest, quin verbum "iam" pro "nunc" adhibeatur?

Quin dicis: "In balneum profecturus sum."?

[ille ego qui]

eam itali non multo secus ac vos germani "fila" dicimus

Itali eam rem etiam caudam (> coda) appellare solent: fare la coda > schlange stehen. nec tamen Latine reddere licebit "facere caudam"

"stellt auch in einer reihe an" = "caudam facite / in caudam vos formate!"
quidni?

sed quid ei dixeris, qui fraudando sive fallendo id studeat, ut maturius sibi serviatur, quam par sit: "sta/consiste in extrema causa!/extremae caudae te adiunge!"
utcumque: mihi verbum agminis arridet ...




@Durgicola: "cum pensis"

[Tiberis]

"stellt auch in einer reihe an" = "caudam facite / in caudam vos formate!"

minime sic dicere licet !! Verbum caudae, quo Itali utuntur, ad usum linguae Latinae minime aptum est!
mihi quidem "ordo" multo aptius videtur. stellt euch in der reihe an > ordinem facite

[ille ego qui]

numquid metaphorice non licet?

[ThomasVulpius]

"Agmen instruite!"

CAES. Gall. 1,24,2 Ipse interim in colle medio triplicem aciem instruxit.

[durgicola]

@Durgicola: "cum pensis"

Verbum fila, quod italice pro agmine, acie, ordine usurpatur (tamen hisce in casibus "le fila" nec "la fila" qua de agimus dicitur, quod nomen collectivum est, utputa ligna (it. la legna)) e verbo "filus" originem duxisse lexica etymologica referunt.

[ille ego qui]

o me tardum! gratias tibi ago