Qua re linguam Latinam numquam didicerimus

[ThomasVulpius]

Si Aeneas ad Latium non pervenisset, urbs Roma condita non esset.

Si Aeneas apud Didonem mansisset, ad Latium non pervenisset.

Si Cyclōpes Carthaginem muro circumdedissent, Aeneas eam urbem relinquere non potuisset.

Si Troia capta non esset, Aeneas Carthaginem non petiisset.

Si rex sāgarum *Angmarius Ulixem magīā ātrā interfecisset, equus ligneus aedificatus non esset.

Si Iuppiter Erida ad convivium advocasset, mālum aureum in convivas coniectum non esset.

Si Turnus proelium singulare vicisset, imperium Romanum numquam fuisset.

Si Franci in Germaniā mansissent, Carolus Magnus numquam rex Francorum fuisset.

Si Carolus Magnus rex Francorum non fuisset, Germani linguam Latinam discere coacti non essent.

Si Arabes pugnam apud Tours factam vicissent et Francos opressissent, nec linguam Latinam et Arabicam nunc disceremus.

[marcus03]

Si canis non cacasset, captavisset lepus. (vetus proverbium Bavarum)

Quid se aliter haberet ,si noster Vulpius natus non esset. Responsa vestra animo ardente maneo .

[ThomasVulpius]

Quid se aliter haberet ,si noster Vulpius natus non esset. Responsa vestra animo ardente maneo .

Si Vulpius natus non esset, mundus paradīsus esset.

[marcus03]

Timeo, ne recte dicas.
Idem quidem et ad me ipsum referri posse puto.

[SursumDeorsum]

Aeneas Latias si non vidisset harenas

Non facerem versus, quos legis, ipse bonos.

[marcus03]

Poetaene de bonitate versuum suorum loqui licet ?
Illi quidem (plerumque) optimi sunt.

PS:
Aeneas re vera nulla ex alia causa Latium petivit nisi ut tu tales versus nobis componere hodie posses.

[durgicola]

Aeneas latii non pervenisset ad oras

Infelix Dido si sibi nupta foret

[durgicola]

Aeneas latii nisi pervenisset ad oras

Hic ubi nunc Roma est litus et arva forent

[Zythophilus]

Si Veneris numquam uixisset filius almae,

huius clara tamen uox cecinisset iter.

[durgicola]

Si Matthaeus saeculo XVI p. C. n. natus esset munere inquisitoris functus esset

[marcus03]

munere inquisitoris functus esset

Te illo munere functurum non fuisse censeo, sed tu ipse durgicola munus inquisitoris factus ad supplicium ductus esses.

[SursumDeorsum]

Si non devictus, Zama viderat, Hannibal esset,

Punicus in nostro scriberet Ille foro.

Di meliora

[ille ego qui]

Si non devictus, Zama viderat, Hannibal esset,

Punicus in nostro scriberet Ille foro.

Di meliora

nonne hoc ipsum, amice, discipulus quidam Norimbergensis - nobis ambobus praesentibus - olim post acroasim de linguae latinae fatis auditam ab oratore disertissimo quaesivit post acroasim de linguae latinae fatis auditam, num, si Poeni superiores discessissent, discipuli in lyceis nunc ubique Punice discerent?

[durgicola]

Staret adhuc Priami regnum nisi magnus Ulixes

Roboribus textis aedificasset equum

[durgicola]

munere inquisitoris functus esset

Te illo munere functurum non fuisse censeo, sed tu ipse durgicola munus inquisitoris factus ad supplicium ductus esses.

Nimirum