Certamen mundanum trahearum quaternorum hominum...

[Medicus domesticus]

Hodie spectabimus certamen mundanum trahearum quaternorum hominum mea in patria.
Curriculum sclodiale praeclarum, ut scitis, situm est haud procul a lacu regio, qui appellatur nostra lingua "Königssee":

Anno MMXVI certatio mundana trahellariorum currentium ibi fiet. Pelliculam spectate:
http://youtu.be/o1P5a6wm6y4

Valete!
e regione montana sole hiberno illuminata

[Zythophilus]

Regius accipiet lacus et gelida unda quaternos,

ni poterunt traheas sistere frena citas.

[Zythophilus]

Nix glaciesque iacent; traheis glacieque fruentes

post sua, quae caleant, tecta focosque petent.

[Medicus domesticus]

Regius accipiet lacus et gelida unda quaternos,

ni poterunt traheas sistere frena citas.

Optimos panxisti versūs...mihi placent!
Sed dicendum est: Flexu quodam percurso [quidam flexus "rupes echūs"*) (Echowand) appellatur] traheae gubernatorum a Lacu Regio undisque gelidis declinantur..

*)

[Zythophilus]

Indagaui, o Medice, cur quoddam certamen "Skeleton" uocetur:
His certaminibus dedisse nomen
casus arbitror: Ossa mortuorum,
quos cursu traheae cito necarant,
post annos aliquot reperta credo.

[Medicus domesticus]

Gratulor fortissimo viro Teutonico "Maximiliano Arndt" et eius sociis tribus, qui vicerunt!