Jingle Bells in Latin

[ThomasVulpius]

Salvēte, Chrīstiānī!

Tempore Chrīstī nātāliciō hoc auscultāre vestrā certē intererit: carmen nātālicium, quod dē tintinnābulīs tintinnantibus est.

Novus annus, quī annus post urbem conditam bis mīllēsimus septingentēsimus ūndēseptuāgēsimus erit, vōbīs omnibus bonus, fēlīx, faustus sit!

Thōmās vester, quī modo *atheistam, modo *Hinduistam, modō *Pastafārium sē esse simulat, sed rē vērā catholicus est.

https://www.youtube.com/watch?v=YSqNUFVDisk

[consus]

Nostras carmine Vulpius canoro
Hoc natalicio relaxat aures.
Mulsa mente animoque mitigato
Nil restat nisi gratias referre.

[Exinterator]

ego quidem malim aures meas terebrari

[medicus]

ego quidem malim aures meas terebrari

Quo mavis aures tuas terebrari? Mavisne gemmas in auribus pendere?

[ille ego qui]

https://www.youtube.com/watch?v=YSqNUFVDisk

:-/

[Exinterator]

ego quidem malim aures meas terebrari

Quo mavis aures tuas terebrari? Mavisne gemmas in auribus pendere?

idest malim esse surdus vel mortuus omnino

[ThomasVulpius]

ego quidem malim aures meas terebrari

Quo mavis aures tuas terebrari? Mavisne gemmas in auribus pendere?

idest malim esse surdus vel mortuus omnino

*Exinterātor noster fautor mūsicae aerisonae atque ātrae est. Is, cum *discothecās adiit, inter hoc mūsicae genus auscultandum capillōs longōs quatere solet. Quam ob rem eius caput, quī mūsicam aerisonam auscultāre nōn soleat, clāvā contundendum esse cēnset - vel Britannicē: "Bang the head, that doesn´t bang!". At egō cervisiam bibere quam mūsicam audīre mālō. Sed magnō in perīculō is versātur, quī pōculum cervisiae meum abstulit. Cui enim moriendum esse dūcō - vel Britannicē: "You have stolen my beer, yoū must die".

https://www.youtube.com/watch?v=_1mkdtpA8Rw

[ThomasVulpius]

Nōs omnēs eōs, quī mōnstrum pastae vermiculātae volucre esse crēdant, post mortem in paradīsō scaturiginīs ē vertice vulcānī cervisiae ērumpentīs potūrōs (cf. RHH § 80, Fußn. 2) scīmus. Quod quoniam mōnstrum pōtātōribus cervisiae Graecē loquendum esse praecēpit, crībellum collȳricum capite gerēns et pastam vermiculātam comedēns dīcere audeō: Σὲ δεῖ ἀποθανεῖν τὸν τοῦ ζύθους κυαθόν μου ἀπενεγκάμενον.

[consus]

...idest malim esse surdus vel mortuus omnino

Di melius, amice! "Quid verbi ex tuo ore supra fugit?" Num cantu illius philologiae doctoris tantis tamque horridis cruciatibus afficeris ut ne morte quidem terrearis? Illo modo, mihi crede, canere solet philologus vel potius philologus sobrius siccusque!

[ThomasVulpius]

Di melius, amice! "Quid verbi ex tuo ore supra fugit?" Num cantu illius philologiae doctoris tantis tamque horridis cruciatibus afficeris ut ne morte quidem terrearis? Illo modo, mihi crede, canere solet philologus vel potius philologus sobrius siccusque!

Ā philologīs mūsicēn nostrīs mōribus abesse scīmus, saltāre etiam in vitiīs pōnī. (cf. NEP. Ep. 1,2)

[Exinterator]

fortasse rem exaggeravi: sicut Vulpium qui ut videtur ingravescente senectute cotidie usque bis tanto stultior (et calvior) quam pridie evadit, ita eiusmodi musicam aequis auribus audire nequeo

[ThomasVulpius]

fortasse rem exaggeravi: sicut Vulpium qui ut videtur ingravescente senectute cotidie usque bis tanto stultior (et calvior) quam pridie evadit, ita eiusmodi musicam aequis auribus audire nequeo

Cottīdiē Latīnē, Graecē, Hebraicē *Sānscritēque scrībēns in diēs stultior fīō. Calvitiēī autem meae haec est causa, quod dea *Durga crīnēs mē resecāre iussit.

[Exinterator]

fortasse rem exaggeravi: sicut Vulpium qui ut videtur ingravescente senectute cotidie usque bis tanto stultior (et calvior) quam pridie evadit, ita eiusmodi musicam aequis auribus audire nequeo

Cottīdiē Latīnē, Graecē, Hebraicē *Sānscritēque scrībēns in diēs stultior fīō. Calvitiēī autem meae haec est causa, quod dea *Durga crīnēs mē resecāre iussit.

ergo quater tanto stultior evasisti quam natus es, nunc demum tam calvus effectus quam natus es.

[ThomasVulpius]

ergo quater tanto stultior evasisti quam natus es, nunc demum tam calvus effectus quam natus es.

Equidem eum beātum esse exīstimō, cui dominātrīx resectiōnem crīnis imperāvit. Meā quidem opīniōne calvum esse quam in montibus Dāciae vagantem ā *stegosaurō conculcārī praestat. Sunt etiam, quī, cum in montibus Dāciae vagārentur, ā *pterosaurīs sublīmēs raptī in nīdīs cibō pullīs fuerint.

[Exinterator]

Vulpi care, tibi non tam licet esse comoso

Ut possis etiam subsecuisse comas