LATINITAS VIVA

[Tiberis]

Angesichts von Machtintrigen am Königshof wäre ich immer äußerst vorsichtig mit derartigen Abstempelungen. Was tatsächlich passiert ist, weiß nämlich niemand. Auf der Folter erzwungene Aussagen sind so eine Sache..
Grad als Lateiner sollte man wohl wissen, dass der Nachruf eine Möglichkeit ist, Personen nachhaltig zu diskreditieren!

ceterum - ut Consus supra dixit - hoc foro Latine tantum loquendum est.

[Zythophilus]

Quaesitum est, num temporibus Romanis puellae fauae stultae quibusdam uiderentur, ut saepius de "flaua stulta" loquerentur, quasi quam puellam ob colorem capillorum stultam esse cognosci liceret. Nostris temporibus quin ioci hac de re fiant, dubium non est neque hic est locus, quo disseratur, utrum merito fiant necne. Quamobrem ille damnandus non est, qui quaesiuit, quo nomine mulier, quae talis, qualem uerbis Teutonicis dixerat, uidebatur, nominaretur.

[consus]

... ille damnandus non est, qui quaesiuit, quo nomine mulier...

Bene, optime Zythophile: asella mea flavicoma, quae verba admodum tenera videntur esse.

[Zythophilus]

Nonne epigramma huic rei aptum est?
Te dicunt stupidam, mea, cum sis flaua, puella.

Crede placere magis te sapiente nigra.

[Zythophilus]

Apud Romanos numerus puellarum natura flauarum tam paruum fuisse puto, ut eas, quae et stultae et flauae erant, non mirarentur.

[consus]

… ne desit trim. iamb.:

Es flava: mente callida certe cares.

[ThomasVulpius]

Nonne epigramma huic rei aptum est?
Te dicunt stupidam, mea, cum sis flaua, puella.

Crede placere magis te sapiente nigra.

Quis hoc epigramma conscripserit, scire velim. Martialem opînor. Si haec opînio - mulieras flavas stultas esse - iam Romanis fuisset, gaudio exsultarem. Tum Catharinam Howard et bellam et flavam et stultam iusto iure nominemus.

De rerum gestarum veritate quidem iudicare non audeo, sed de spectaculo televisifico, quod a statione PRO7 praebitum erat, locutus sum. Mihi enim mulieres graciles placent, quarum mammae minimae sunt. Quod figurae genus Britanni Americanique "anorexic" vocant. Latine fortasse "figura ossea".

Bene valete et cavete, ne pûlices, qui in rattorum vestrorum villis sedent, in vos insiliant neve vos mordeant. Tum peste laborare incipietis!

Thomas "ioculator" Vulpius

[Zythophilus]

Gratias tibi ago, mi Vulpi!

[ThomasVulpius]

Gratias tibi ago, mi Vulpi!

Cerevisiamne amas?

Hoc nondum prodidi: Etiam Graece scio. "to zythos" cerevisiam significat.
Verbum ab Aegyptis derivatum.

Qua re nomen tuum "cerevisiae amatorem" significat.

[Zythophilus]

Hoc est secretum nominis. Aenigma bene explicasti.

Ceterum:
Qualis, ais, placeat mulier tibi. Tam gracilis sit,

uis, modo carne carens ut cutis ossa tegat.

Artius amplecti gracilem, tibi cum sit amanda,

Vulpi, ne crepitent illius ossa, caue!

[consus]

...Mihi enim mulieres graciles placent, quarum mammae minimae sunt...

Vulpio sal.
Lege quaeso Mart. 11, 100!

[Medicus domesticus]

Vulpio sal.
Lege quaeso Mart. 11, 100!

Habere amicam nolo, Flacce, subtilem.....
.....

Gratias tibi ago pro illo carmine Martialis, Conse, quod mihi quoque adhuc ignotum erat!

[ThomasVulpius]

nescio an inconstantiae quoque vox apta sit. sed verborum contextum respiciendum esse rectissime monuit Laptopius. valeas!

Tibi adsentior, Christiane. Difficile est verba specialia sine contextu in Latinum convertere.

Bene vale et noli amîcam meam adspicere! Quam qui aspexerit, lapidescet. (Amicae enim meae nomen Medoúsês est.)

Thomas "ioculator" Vulpius.

[consus]

Ante vide caute, possis quam vertere verba,

Qui sit contextus: sic vitiosa caves.

[Tiberis]

et noli amîcam meam adspicere! Quam qui aspexerit, lapidescet. (Amicae enim meae nomen Medoúsês est.)

equidem spero amicam tuam Medusae non esse similem nisi nomine.