de foro nimis quieto

[Stomachatus]

forum stercore tuo inquinatum.

Quī Graecē nescit, eī nōn licet scrīpta mea "stercus" nōmināre.

Εἰ ἀρέσκει σοι, τὰ ἡλλενικά σου καθάρματα ἐρῶ ἢ κόπρον. ἀλλ` οὐκ περὶ τούτων εἶπον. Περὶ δὲ τῶν ἄλλων ὕστερον βούλομαί τι λέγειν. Σήμερον οὐκ ἔχω σχολήν.

[ThomasVulpius]

Nunc tu gaudebis, Vulpi, inebriatus insaniâ tuâ.

Prō dolor sēria colloquia mēcum fierī nōn possunt. Cum vērīs hominibus rem mihī esse nōlō. Nam ferē omnēs hominēs mihī taediō sunt. Sed mulierēs fictās amāre soleō: Complūrēs annōs amōre *Rebeccae *Lee, figūrae dēlīneātae illīus nārrātiōnis *Nippōnicae, quae "Black Lagoon" Britannicē, Latīne "Nigra Lacūna" vocātur, captus eram. Etiam diūturnius tempus nārrātiōnēs fingēbam dē aliquā muliere, cūius nōmen prōnūntiāre nōn audeō. Quae mulier utrum vēra an ficta et commentīcia sit, praeter mē nēmō scit. Imprīmīs eius sortilegae, quae ipsa sē *Arcāniam Spīritum nōminat, nārrātiōnēs mihī placuērunt: eam - scītis, quam nōminem - esse *Durgae, Indōrum deae mortis ac bellī, incarnātiōnem vel dēscēnsiōnem vel repraesentātiōnem ob eamque causam mē oportēre eam ut deam venerārī atque etiam linguam *Sānscritam discere, ut in ōrandō dictīs Indōrum sānctīs, quae "mantra" vocantur, ūtar. Hahae! Nihil īnsulsius hōc. Statim fēcī.

Nunc autem aliam mulierem valdē adamāvī: *Daeneryn *Targaryen, rēgīnam dracōnum. Neque vērō dē illā āctrīce Britannicā, cui nōmen "Emilia Clarke" est, loquor, sed dē persōnā fictā rēgīnae rēgnī "Meereen". Eī libentissimē serviam.





Mulier ipsa mihī vix placet. Pinguiuscula enim est.

[ThomasVulpius]

Εἰ ἀρέσκει σοι, τὰ ἡλλενικά σου καθάρματα ἐρῶ ἢ κόπρον. ἀλλ` οὐκ περὶ τούτων εἶπον. Περὶ δὲ τῶν ἄλλων ὕστερον βούλομαί τι λέγειν. Σήμερον οὐκ ἔχω σχολήν.

Ἐν τῇ Ἑλληνικῇ ἀγορᾷ τὰ τοῖς (cf. BR § 189,3) πάλαι γεγραμμένα μεταγράφω (cf. Luc. Hist. Conscr. 21) εἰς τὴν ἐπιχωρίᾱν φωνήν. Οὐδὲ δίκαιος εἶ τοῦτο τὸ φιλολογικὸν ἐπιτήδευμα μέμφεσθαι. (cf. Lindemann § 31α)

Ἔτι δὲ πρὸς τούτοις μάλα γ᾽ ἥδομαι ὁρῶν σε ἑλληνιστὶ συνιέντα. Ἤδη γὰρ ἐδεδοίκη, (Zinsmeister, Stammform 86) μὴ τῆς τῶν πάλαι παιδείᾱς καταφρονῶν τὴν τῶν *Τούρκων φωνὴν βούλοιο μανθάνειν, ἵνα κυνὸς δίκην (cf. BR § 198, Anm. 2) προσκυνοίης τὸν βοσπόριον *Σουλτανὸν *Τουρκίζων. ("es mit den Türken haltend"; cf. Μηδίζειν LSJ: "side with the Medes")

[ThomasVulpius]

Si magister tuus, o Vulpi, legeret omnia quae his diebus hoc in foro edidisti, certe gauderet.

Sī mē mōribus patris *Eichenseer favēre putēs, errēs. Is enim, quamquam *Monachī apud professōrem *Rubenbauer linguae Latīnae studuerat, cōnsultō atque dēditā operā genus dīcendī classicum, quod dīcitur, neglēxit et Augustīnum imitātus est, dē quō dissertātiōnem cōnscrīpserat. Semper igitur mihī et patrī *Eichenseer dē modō loquendī rixae fuērunt. Cum enim excursiōnem facientēs *Mediolānī in forō aliquō versārēmur, pater *Eichenseer ex mē quaesīvit, ubī aliī essent. Tum eōs templum Chrīstiānum obīre respondī. Sed ille valdē mē reprehendit atque vituperāvit, quod falsō verbō ūsus essem. Hoc aedificium ecclēsiam nōminārī voluit. Sed vōx "ecclēsiae" Graecā est et "comitia" significat. Id patrī *Eichenseer displicuit et mē pāgānum vocāvit. Tantum differēbat eius genus dīcendī et meum, ut egō quidem *Cicerōniānē, sed ille, quippe quī monachus esset, *biblicē, ut ita dīcam, locūtus sit.

[ThomasVulpius]

Inspicienti enim paginam quae continet scripta in foro recentissima (volgo: "Aktive Themen"), nulla nisi tua apparent, quibus nemo rescripsit.

Nōnne tū ipse hoc in forum argūmentum (Britannicē: "thread"), quod "illīus exercitātiōnēs *stilisticae" īnscrībitur, imposuistī? Quō in argūmentō et tū et aliī, quōmodo hoc aut illud Latīnē dīcerētur, quaesīvistis.

[ThomasVulpius]

Quod mihi movet bilem, ut patet. Nam pessum das labores eorum, qui student divulgare rationem Ørbergianam.

Meīs rēbus ferē nēminem respondēre dīxistī. Quōmodo pessum dem labōrēs eōrum, quī ūsum linguae Latīnae prōvehere velint, cum nēmō rēs meās lēgat? Sumne spīritus malus, quī magīā ātrā pessum det cōnātūs eōrum, quī circulōs Latīnōs conditūrī sint? Neque causa est in mē, quod studia tua quam plūrimōrum hominum animōs alliciendī ad Latīnē loquendum tibī nōn satis magnōs prōcessūs fēcisse videntur.

[ThomasVulpius]

Plus semel audivi talia: "vos loquimini latine!? Estisne ergo eiusdem farinae atque Vulpius?"

Mē cancrō mortuum esse omnibus dīc! Tum tua studia magnōs facient progessūs. Ferē omnēs animōs ad illam ratiōnem *Ørbergiānam advertent.

[ThomasVulpius]

Utcumque res hoc in foro se habent, nunc totâ Germaniâ Ørbergiani, non Saravipontani, circulos Latinos condunt et regunt et summa ope nituntur ad Latinitatem servandam et provehendam. Attamen tu per rete mala facis praeconia, quae inceptis nostris detrimento sunt.

Cūr persevērēs in tuā sententiā mē ratiōnī *Saravipontānae favēre et *Øbergiānae obtrectāre, nōn intellegō. Neque ūlla rēs cum *Saravipontānīs mihī est. Immō in eōrum odia incurrī. (cf. CIC. off. 1,150) Iī enim Chrīstiānī sunt, sed egō deam *Durgam veneror. Praetereā ad doctrīcem *Sigrīdem *Albert nōn sōlum dē eā deā adōrandā scrīpsī sed etiam *Putīnum, imperātōrem *Russiae, laudāvī. Tum illa mulier respondit sē nōn iam epistulās ā mē accipere velle. Discordia igitur et inimīcitiae inter eōs et mē intercessērunt. Cum *Sigrīdis modus docendī tibī displiceat, eam adī et eī modum *Saravipontānum opprobrā!

[ThomasVulpius]

Utcumque res hoc in foro se habent, nunc totâ Germaniâ Ørbergiani, non Saravipontani, circulos Latinos condunt et regunt et summa ope nituntur ad Latinitatem servandam et provehendam. Attamen tu per rete mala facis praeconia, quae inceptis nostris detrimento sunt.

Quae sit ratiō *Ørbergiāna, mihī omnīnō ignōta est. Egō linguam Latīnam modō trālātīciō didicī. Sed sī rē vērā mē artī Latīnē loquendī obtrectāre putēs, īnsāniās. Tē autem, quī fīlius *psȳchologī sīs, īnsānīre vērimile est. Nam *psȳchologī in īnsānā arte versantur, quod dē animā hominis loquuntur. Sed hominī esse animam *physicē probārī nūllō modō potest. *Psȳchologī ut sortilegae loquuntur. Quid autem interest inter *psȳchologum et hariolam? Hariola quidem vēra vāticinātur, *psȳchologus ōscitāns hālūcinātur.

[ille ego qui]

o Thoma ... quo usque tandem ...?
neque stomachor neque igitur Stomachato mihi nomen imposui.
tamen fateor me aliqua cum titillatione rixulas vestras perlegisse
utrumque vestrum pariter saluto!

@Tiberis:
quid significat poematium istud Italicum?

Valete

[Stomachatus]

Vulpi narra nobis plura de studiis tuis! talia suscitant studium.

[Tiberis]

quid significat poematium istud Italicum?

in pueris et in insanis tractandis interdum simulatione opus est ita, ut, cum ineptias eorum neglegere videamur, non desinamus observare, quid contendant.

[ThomasVulpius]

Vulpi narra nobis plura de studiis tuis! talia suscitant studium.

Equidem *Daeneryn *Targaryen veneror:

https://www.facebook.com/DaenerysTargaryenTheQueen/videos/884806521630994/

Me reginae draconum amore captum esse scis:

https://www.facebook.com/DaenerysTargaryenTheQueen/videos/1258622957582680/

[Exinterator]

Vulpi, privatim ille ego per nuntia prosopobiblica dudum me fecit certiorem se non stomachatum sed deum ac dominum artis stilisticae vocari

[ThomasVulpius]

Vulpi narra nobis plura de studiis tuis! talia suscitant studium.

Certē audiās, quās rēs egō faciam, ut omnibus īnsānus atque perversus esse videar. Sed valdē errāstī, Stomachātē. Egō enim, cum in pūblicō versor, senex sevērior atque mōrōsus esse pūtor. Tantum īnsānē iocor, cum in rēte versor. Neque, cum discipulōs subsidiāriōs doceō, dē īnsānīs neque perversīs rēbus loquor - ūnā rē exceptā: Cum puerō certa *cīnēmatogrammata spectāre placet, ēnūntiāta eius *cīnēmatogrammatis in Latīnum convertō. Exemplī grātiā bella sīderea prōferam. Cum coniūnctīvus praesentis temporis in sententiā prīmāriā discendus est, hōc exemplō ūtor: "Vīs tēcum sit!" Cum accūsātīvus cum īnfīnītīvō, hōc: "Imperātōrī nūntiātum est sēditiōsōs stēllam mortiferam aggredī velle." Cum ablātīvus absolūtus, hōc: "Stēllā mortiferā dēlētā sēditiōsī gaudēbant."

Quā dē rē etiam Graecē scrīpsī:

http://www.e-latein.at/phpBB/viewtopic.php?f=22&t=44579&p=339520#p339520