Quomodo ATLS Latine dicatur, quaeritur

[Medicus domesticus]

Salvete sodales linguam Latinam amantes,

Quomodo ATLS (Advanced Trauma Life Support) dicatur, quaeritur:
http://www.dgu-online.de/bildung/fortbildung/atls.html

Cottidie in valetudinario videmus aegrotos vulneribus onustos..
https://youtu.be/O1V3XbkrdOw

Gratias praemitto!

[Tiberis]

Quamquam difficile est eam rem quam paucissimis Latine reddere, tamen hoc propono:

praecepta de cura (graviter) vulneratis tribuenda

[Medicus domesticus]

Gratias pro propositione tua..

[medicus]

@Med.dom.:advanced in lingua nostra?
http://dict.leo.org/englisch-deutsch/advanced

[Tiberis]

haud ignoro me acu non tetigisse rem, quam ipsa lingua Theodisca vix possum exprimere..

[consus]

Forsitan Itali auxilio nobis veniant; Italice enim ATLS his redditur verbis:
supporto vitale avanzato nel traumatizzato.
Provocamur ad meditandum..

Nescio an dici liceat: modus prompte succurrendi vitae graviter vulneratorum amplificatus.

Quam brevissime: modus succurrendi vitae vulneratorum amplificatus

Videant medici...

[Exinterator]

dixerim normae pro sustentanda vita graviter vulneratorum

[consus]

... normae pro sustentanda vita graviter vulneratorum

Dic mihi quaeso, quo verbo tu putes Latine reddi posse avanzato / advanced?
Mihi quidem placet illud "amplificatus".

[Exinterator]

... normae pro sustentanda vita graviter vulneratorum

Dic mihi quaeso, quo verbo tu putes Latine reddi posse avanzato / advanced?
Mihi quidem placet illud "amplificatus".

num locupletatus?

[Medicus domesticus]

Gratias, sodales!
Nostra lingua dicimus: ATLS ~ erweiterte lebensrettende Maßnahmen bei Trauma(patienten).

[consus]

MEDICO DOMESTICO s. d. p. C.

Scripsi: modus succurrendi vitae vulneratorum amplificatus.

Verbis tuis lectis hoc ausim proponere:

consilia succurrendi vitae vulneratorum amplificata.

Tu quid sentis?

[Medicus domesticus]

Tu quid sentis?

Bene in Latinum conversum! Placet!
= CSVVA

[Tiberis]

consilia succurrendi vitae vulneratorum amplificata.

nescio an "vita" (scil. verbo vitae) carere possimus, praesertim cum non dubium sit, quin illi vulnerati vivant.
nonne brevitas semper appetenda est?
puto igitur sic scribi licere:
consilia (vel: praecepta) amplificata vulneratis succurrendis

[consus]

...nonne brevitas semper appetenda est? ...

Prorsus tecum consentio, mi Tiberis.

puto igitur sic scribi licere: consilia (vel: praecepta) amplificata vulneratis succurrendis

vulneratis succurrendis] Tacitus (ut alios scriptores omittam) usum gerundivi in casu dativo dicti amplificasse videtur*. Quam ob causam in hac quoque re non dissentio tecum; sed nego hoc loco licere nobis uti verbo succurrendi: non est verbum transitivum: succurrere alci/alci rei. Tacitus ceterique scriptores verbis utuntur transitivis, cf. Tac. hist. 4, 48: auxiliaque tutandis imperii finibus (tutari alqm/alqd). Forsitan scribi liceat: ... vitae vulneratorum conservandae ... / (brevius:) ... vulneratis conservandis / sustentandis (cf. Exinterator)...
Placebat mihi verbum succurrendi; nam ante oculos mihi obversabantur verba Italica pronto soccorso /soccorrere: succurrere vitae alcs > succurrendi vitae vulneratorum.
Tu quid sentis, amice?


________
* KSt 1, p. 749.

[Tiberis]

facere non possum, optime Conse, quin omni ex parte tibi assentiar. quid plura? erravi. rubore perfusus leges iterabo grammaticae...