De arte Latine scribendi

Quo in foro Latine colloquamur!

Moderator: e-latein: Team

De arte Latine scribendi

Beitragvon mystica » Do 17. Okt 2019, 15:17

Salvete optimi sodales!

Oratio de "Arte Latine Scribendi" Doctoris Martini Baasten mihi valde placet. Nam haec oratio doctoris Martini Baasten videtur mihi exemplum bonum latinitatis vivae nostris temporibus esse.

https://www.youtube.com/watch?v=cDyd6fw5uY0&list=UUdrrNDY4gfvMzGhBedrntqQ&index=2&t=0s

Quid de hac re sentitis? :?

Valete! Mystica ;-)
Zuletzt geändert von mystica am Do 17. Okt 2019, 18:50, insgesamt 1-mal geändert.
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 814
Registriert: So 3. Mär 2019, 10:37

Re: De arte Latine scribendi

Beitragvon Tiberis » Do 17. Okt 2019, 18:20

Martinus Baasten, licet nescioqua de causa in dicendo anhelans huc illuc trepidet et actu titubanti officia oratoris prorsus neglegat, omnino de Latinitate viva bene mereri videtur, quamvis sermo eius mendis minime careat. Cuius tamen verba sunt utilissima et digna, quae a quam plurimis audiantur, quorum interest Latine loqui vel scribere,
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10704
Registriert: Mi 25. Dez 2002, 20:03
Wohnort: Styria

Re: De arte Latine scribendi

Beitragvon Longipes » Do 17. Okt 2019, 19:47

Praeceptores linguae Latinae a discipulis, qui e Latino in Theodiscum convertere debent, iure diligentiam poscimus maximam. Quam ut adipiscantur, modus docendi, quo in ludis universitatibusque utimur, mutandus est. Nam convertendo tantum lingua non ediscitur.

Me iudice et restitutione et renovatione opus est.
– Restituenda est ars Latine scribendi et loquendi, sine qua nemo consuetudinem incorruptam adipiscitur. Quam artem apud veteres plurimum valuisse non ignoratis.
– Renovandus est etiam modus linguae Latinae discendae. Nam persuasum mihi est errantes tantum nos discere posse. Consuetudinem puram adipiscimur, si metu carentes exercemus et ab hominibus doctioribus corrigimur.

Haec Martino Baasten quoque persuasum sunt, quem igitur laudo.
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1774
Registriert: Mo 20. Sep 2010, 12:50

Re: De arte Latine scribendi

Beitragvon Tiberis » Do 17. Okt 2019, 23:51

Longipes hat geschrieben:modus docendi, quo in ludis universitatibusque utimur, mutandus est. Nam convertendo tantum lingua non ediscitur.

plane tibi assentior!
sed huic rei impetrandae undique repugnatur:
a) ab iis, qui in re publica versantur. Quorum legibus nonne auctoritas disciplinae nostrae usque minuitur?
b) a magistratibus scholaribus, quorum edictis in via eligenda nimis coerceamur.
c) ab ipsis magistris, quorum paucissimi tanta sint facultate dicendi, ut, quidquid velint, Latine exprimere possint.
ex quo sequitur, ut tristissimus Latinitatis status non solum continuetur, sed etiam in annos ingravescat.
Nemo fere eorum invenitur, quorum auctoritas in re publica aliquid valet, qui studio linguarum faveat antiquarum. accedit, ut etiam iis, qui iuribus vel medicinae student, quadam linguae Latinae notitia non iam opus sit. Quis ergo nos adiuvabit in institutione Latina amplificanda?
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10704
Registriert: Mi 25. Dez 2002, 20:03
Wohnort: Styria

Re: De arte Latine scribendi

Beitragvon Longipes » So 20. Okt 2019, 13:22

Haud dubie aetatis nostrae ingenium spei latinitatis resurgentis vix locum dat. Nihilominus mihi persuasum est id non fore, ut ea mox ab stirpe exstinguatur (ne in provincia quidem Germaniae, cui nomen est Rhenaniae Septentrionalis–Guestfaliae… :wink:).

Sperare saltem licet, nam libertas magistrorum adhuc satis magna est. Etsi in examinibus non licet discipulos iubere e Theodisco in Latinum convertere, hoc tamen per institutionem fieri potest. Equidem saepius, cum discipuli exemplum additum ("Z-Text") in Theodiscum vertere possent, ipsum exemplum (satis modificatum) in Theodiscum converto et discipulos iubeo, ut in Latinum convertunt. Quod profecto libenter faciunt, quod se in examinibus meliora effecturos intellexerunt. Sunt etiam quidam libri, qui materiam, qua discipuli Latine loqui discant, offerant.

Oportet igitur linguae Latinae peritiores latinitatem vivam profiteri quam saepissime.
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1774
Registriert: Mo 20. Sep 2010, 12:50

Re: De arte Latine scribendi

Beitragvon mystica » Di 22. Okt 2019, 11:32

Longipes hat geschrieben: Equidem saepius, cum discipuli exemplum additum ("Z-Text") in Theodiscum vertere possent, ipsum exemplum (satis modificatum) in Theodiscum converto et discipulos iubeo, ut in Latinum convertunt. Quod profecto libenter faciunt, quod se in examinibus meliora effecturos intellexerunt.


Salve optime Longipes!

Plane tibi assentior! Scribendo Latine grammaticam Latinam melius disco et scripta Latina melius intelligere possum. Haec ratio Latine discendi videtur mihi futura esse. Si discipuli latine loqui discunt, plus laetitiae in Latine discendo percipient. Lingua Latina vivat et floreat!

Vale! Mystica ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 814
Registriert: So 3. Mär 2019, 10:37


Zurück zu Latine loquendi



Wer ist online?

Mitglieder in diesem Forum: Google [Bot] und 10 Gäste