De rebus in vivario lucentibus

[ClaudiaK]

De mundo luminoso mirifico
In vivario Halensi res exhibentur, quae solum noctibus obscuris spectantur. Quae expositio finem habet.
Multi homines res ex baculis, ex textu vario, ex multo lucis factas admirati sunt.
Ab hora sexta ad horam decimam in tenebris visitatoribus vivarium intrare licet.
Huius anni expositio est de fabulis, quae in libro, qui inscribitur Mille Noctes Et Una, narrantur.
Itaque flores, fungi, adamantes, aurum, thesauri, ignes, balaenae, naufragia, palmae, palatia, feminae pulcherrimae, scenae orientales, multa et alia illuminata exhibentur.
Immersi in mari illuminato nullum alium nisi nos ipsos cognoscimus.
Nescio scilicet, quid bestiae miserae his noctibus senserint.


https://www.google.com/search?client=fi ... jQel1Xf8VM

[mystica]

Gratias tibi ago, care Claudia, pro tua relatione de exhibitione, quae est ludus lucis de fabula Mille Noctes Et Una, Hallensis, quam libenter legi. Illa effigies mihi maxime placet. Perge, quaeso, quod bene coepisti!
Vale! Tua Mystica

[ClaudiaK]

Salvete sodales!
Hodie de alio spectaculo Halae instituto vos certiores facere volo. Agitur de expositione, in qua dinosauri generis singularis ostenduntur.
Utrum autem aliquis expositionem visitans gaudium capiat an non, ex eo pendet, quod sibi est momenti. Figurae saurorum ingentes sunt et magna voce et moventur quasi aut pugnent aut pascantur aut nidos ovium plenos custodiant. Ii, qui sauros visitant, ab iis fune firmo prohibentur, ne aspectu animalia vera simulante impulsi eos tangant.
Qui quidem credit se in eodem periculo esse, ne devoretur ac in vivario Iurassico, errat. Bestiae ferae enim e materia plastica factae et vi electrica incitatae in cursu praedestinato ultro citroque ducuntur. Quae megaphono usae boantes rugientesque spatium semper idem carpunt in vario lumine artificioso immersae.
Qua re ad expositionem visitatores illiciuntur? Pro certo habeo eum plus de animalibus diu extinctis cogniturum non esse. Immo eius sensus et oculorum et aurium et - mirabile est dictu -nasi nimis irritatur, ut vel ultra modum tolerabilem incitetur.
Ita est. Recte legisti eius nasum necopinato stimulari. Si enim visitatores, similes dinosauris, in circulo gubernati tentorium interius intrant, ibi invenient - quis miretur? - ciborum copiam, qua huius mundi animal voracissimum satiatur: homo.

https://www.itronic-dinosaurs.de/impressum.html

[mystica]

Macte! Haec exhibitio mirabilis mihi maxime laudanda est, quia vitam harum ferarum bestiarum vividissime ostendit. Vale!

[Zythophilus]

Cum subito ueniens sauras extinxerit astrum,

uiuere adhuc illas, Claudia, in orbe putes.

[Tiberis]

magno cum fremitu saurarum saxea monstra

exterrent pueros in regione mea.

https://www.styrassicpark.at/

[Zythophilus]

Horribiles sauros pueros timuisse renarras,

sed sunt in lapides corpora uersa feris.