Αἰνίγματα

[Medicus domesticus]

Σιγῶ, σιγῶ νῦν ...Νῦν ἐγώγε, παύομαι λύων αἴνιγμα σου.

[consus]

Κἀγὼ ἀπέρριψα τὴν ἀσπίδα…

[Luca]

Χαίρετε, ὦ φίλοι.
Νὴ τὸν Δία, ὁ ᾿Απόλλων περὶ τῆς λύσεως μικρολογεῖται. ᾿Ενομίζομεν γὰρ δικαίως τὸ αἴνιγμα ἤδη λῦσαι. ᾿Αλλ`ὁ ὠμὸς ϑεὸς δευτέραν λύσιν ᾔτησεν.
Οἴμοι, νύκτας τε καὶ ἡμέρας ἐβουλευσάμην σὺν ἐμαυτῷ καὶ αὐτίκα ὄρνις τὶς ἔτριξεν·
Οἱ νῦν ἄνϑρωποι τὴν τῆς ἐκδόσεως ἀποκατάστασιν καλοῦσιν ανατυπώσην.

᾿Αναπέπταται ἤδη τὰ βλέφαρα ἐμοῦ πρόσϑεν καταμύοντα.

[Luca]

Χαίρετε, ὦ φίλοι οἱ σοφώτατοι. Τολμῶ νέον αἴνιγμα παρέχειν ὑμῖν·
Τίς δ`εἴμ`ἐγώ; Εἴμ`ἐν μεγάλῃ ἀπορίᾳ τῶν δυοῖν γυναικοῖν ἐπαγγελμάτων ἕνεκα, αἳ ἐναντίως συμβουλεύουσί μοι.

[consus]

Ἔγωγε, ὦ φίλε μου, μέμνημαι τοῦδε τοῦ μύθου (Xen. mem. 2, 1, 21sq.)·

[21]καὶ Πρόδικος δὲ ὁ σοφὸς … φησὶ γὰρ Ἡρακλέα, ἐπεὶ ἐκ παίδων εἰς ἥβην ὡρμᾶτο, ἐν ᾗ οἱ νέοι ἤδη αὐτοκράτορες γιγνόμενοι δηλοῦσιν εἴτε τὴν δι᾽ ἀρετῆς ὁδὸν τρέψονται ἐπὶ τὸν βίον εἴτε τὴν διὰ κακίας, ἐξελθόντα εἰς ἡσυχίαν καθῆσθαι ἀποροῦντα ποτέραν τῶν ὁδῶν τράπηται: [22] καὶ φανῆναι αὐτῷ δύο γυναῖκας προσιέναι μεγάλας, τὴν μὲν ἑτέραν εὐπρεπῆ τε ἰδεῖν καὶ ἐλευθέριον φύσει, κεκοσμημένην τὸ μὲν σῶμα καθαρότητι, τὰ δὲ ὄμματα αἰδοῖ, τὸ δὲ σχῆμα σωφροσύνῃ, ἐσθῆτι δὲ λευκῇ, τὴν δ᾽ ἑτέραν τεθραμμένην μὲν εἰς πολυσαρκίαν τε καὶ ἁπαλότητα, κεκαλλωπισμένην δὲ τὸ μὲν χρῶμα ὥστε λευκοτέραν τε καὶ ἐρυθροτέραν τοῦ ὄντος δοκεῖν φαίνεσθαι, τὸ δὲ σχῆμα ὥστε δοκεῖν ὀρθοτέραν τῆς φύσεως εἶναι, τὰ δὲ ὄμματα ἔχειν ἀναπεπταμένα, ἐσθῆτα δὲ ἐξ ἧς ἂν μάλιστα ὥρα διαλάμποι…κ.τ.λ.

[Luca]

Νὴ τὸν Δία, ὦ Κῶνσε, ὑπάρχεί σοι ἡ κρατίστη καὶ δυνατωτάτη μνήμη. Εὖ γε λέγεις, καλοῦμαι γὰρ ῾Ηρακλῆς.

[Luca]

Ἀλλὰ νῦν τὸν νοῦν νέῳ αἰνίγματι προσέχετε, ὦ φίλοι·

Θηρίον τι πάλαι τοῖς ἐν γνωστῇ Ἑλληνικῇ χώρᾳ γεωργοῖς δεινοὺς πόνους ἔϑηκεν, ὅτι τὸν ἐν τοῖς ἄγροις σῖτον διέφϑαρκεν. Μάτην δ`αὐτῷ ἐπεβούλευσαν· οὐ γὰρ δυνατοὶ ἦσαν καταλαμβάνειν αὐτὸ πολλοὶ κἀγαϑοὶ ϑηρευταί. Καὶ δὴ καὶ τούτου τοῦ ϑηρίου ἕνεκα εἰς πίϑον βασιλεύς τις κατεδύετο ὑπὸ φόβου.

῏Αρα τοῦτο τὸ ϑηρίον ἀναγνωρίζετε;

[consus]

Νὴ τὸν κύνα· Ἐρυμάνθιος κάπρος· http://de.wikipedia.org/w/index.php?title=Datei:Herakles_Erymanthian_boar_BM_B213.jpg&filetimestamp=20061125184619

[Luca]

Ὦ Κῶνσε, ηὕρηκας νὴ Δία. Τὴν σὴν σοφίαν προσκυνῶ.

[Luca]

Τοῦ δὲ καιροῦ ἥκοντος ὑμᾶς νῦν ἐρωτῶ·

✘Πῶς οἱ νῦν ῞Ελληνες τὸν ἆϑλον, ἐν ᾧ μίαν πλακὰ τέτταρας πόδας ἔχουσαν ἐνίοτε ἐπιτρέχουσιν οἱ ἀϑληταί, ὀνομάζουσιν;
✘Πρὸς ποῖον καιρὸν αἰνίττομαι;

[consus]

Εἰ ὀρθῶς, ὦ βέλτιστε, συμβάλλομαι·
το γερμανικό πρωτάθλημα επιτραπέζιο τέννις (πινγκ-πόνγκ) 2012.

[Luca]

Χαῖρε, ὦ Κῶνσε.
Περὶ μὲν τὸ τῆς λύσεως τάχος ἐνϑουσιάζω. Οἱ δὲ πάντες αἰνίγματα λύοντες σὲ μόνον πρὸ τῆς γλαυκώπιδος ᾿Αϑηνᾶς τὸν τῆς σοφίας ϑεὸν σεβέσϑων.

[Luca]

῎Αγε δή, νέον αἴνιγμα ἐνεϑυμήϑην·

῞Οταν μὲν ὁ μαϑητής μοι ἐν συγγράμματί τινι ἀφρόνως χρῆται, ὁ διδάσκαλος τούτους τούς λόγους σημανεῖ καὶ παραγράψει· ,,Τῷ μαϑητῇ τὴν ἀκαλλῆ παλιλλογίαν τῶν λέξεων καὶ τὴν ἐνδεᾶ ἑρμηνείαν ἐπιτιμῶ."
῞Οταν δ` ὀρϑῶς μοι χρῆται, οἷον ἐν ταῖς τῶν δυοῖν ἢ πλειόνων κώλων ἀρχαῖς, τὸ τοῦ μαϑητοῦ σύγγραμμα καὶ σαφήνειαν καὶ κόσμον καὶ ἔμφασιν τῶν λόγων λαμβάνει καὶ ὁ διδάσκαλος τῇ τοῦ παιδὸς συγγραφικῇ ἐμπειρίᾳ χαίρει.

Τίς δ`εἴμ` ἐγώ; Μᾶλλον δὲ τί;

[Luca]

...῞Οταν δ` ὀρϑῶς μοι χρῆται, οἷον ἐν ταῖς τῶν δυοῖν ἢ πλειόνων κώλων ἀρχαῖς, ...
Τίς δ`εἴμ` ἐγώ; Μᾶλλον δὲ τί;

Σχῆμά τί εἰμι, ἢ ὡς οἱ ῾Ρωμαῖοι λέγουσιν· Figura. ᾿Αλλὰ ποῖον;

[consus]

Ἆρα μὴ ἀποβλέπεις, ὦ θαυμάσιε, πρὸς τὴν καλουμένην ἀναφοράν;