Poema aridissimum?

[Merkur]

Salvete!

Nisi animus me omnino fallit, est poema quoddam satis longum quo explicetur grammatica Latina.

Proh dolor nomen huius poematis excidit e mente.
Quis novit libellum quem quaero?

Gratias ago vobis.
M.

[consus]

Consus Mercurio sal.
Nescio an hoc mediae aetatis tibi ante oculos obversetur opus: Alexandri de Villa Dei Doctrinale pueorum* (editum anno MCC). Quo opere Alexander imprimis Priscianum imitatus artem grammaticam hexametris persecutus est. Vale. Kal. Mai.
-----------------
* Das Doctrinale des Alexander de Villa-Dei, kritisch exegetische Ausgabe mit Einleitung...., bearbeitet von Dietrich Reichling, Berlin 1893. / Monumenta Germaniae paedagogica; 12.

[Zythophilus]

Code: Alles auswählen

Expectandum tibi adhuc. Nondum confecimus orsum.
 Post luces aliquot conficiemus opus


[Merkur]

Gratias tibi ago, conse doctissime.

In bibliotheca Passaviensi praesto est liber ille abs te commendatus.

His proximis diebus pervolutabo.

Vale.

[consus]

Salve, Mercuri.
Alexandri de Villa Dei Doctrinale (ed. Reichling) in rete exhibetur (books.google.de).

[Merkur]

Gratias, tibi, mi conse, quod inquisiisti scrutatusque terras mariaque totius orbis telarum benigne mihi monstrasti viam expeditam ad librum Alexandri illius.
Proh dolor autem, nisi vehementer fallor, partes tantum exhibentur, i.e. prima pars libri, nullos igitur versus licet legere.
Ad bibliothecam igitur confugiendum.
Gratias.
M.



En nexum:
http://books.google.de/books?id=HGppPmt ... A1-PR94,M1

[consus]

Salve iterum, mi Mercuri.
Editione illa interretiali usus hos Alexandri repperi versus (1339sq.):
sunt ablativi plures rectore soluti:
discere discipuli debent doctore legente.
Cf. Lateinforum > Ablativus absolutus > 14.05.2008.