Ov. fast. 7, 719.

[consus]

Salvete, amici.
Re feliciter ad Aratum redacta altera ecce oritur quaestio.
Ov. fast. 6, 717s. ad solis obitum videtur pertinere. Quo poetarum more sane prolixe explicato Ovidius pergit scribere (719):
tollet humo validos proles Hyriea lacertos
id est, nisi fallor,
prima nocte orietur Orion.
Nostris vero temporibus medio mense Iunio Orion prima oritur luce, meridie in summo est fastigio occiditque ad vesperam. Forsitan errore sim captus.
Equidem ut qui homo ignarus sim astrologiae, ne ipse supra crepidam, ut aiunt, iudicem, ex sodalibus, quos hoc loco in caelestibus satis exercitatos esse comperi, magna animi modestia ausim quaerere, quanam ratione et doctrina illa res enodetur.

[Domingo]

Stimmt schon, bei uns heute ist Orion ein Wintersternbild. Das ist absolut sicher (jeder von Euch kann, wenn er nicht gerade in der blöden zugedeckten Westpfalz wohnt, ihn jetzt gerade betrachten). Wie es vor 2000 Jahren im Mittelmeerraum dagegen aussah, kann ich auf die Schnelle gar nicht sagen

[RM]

Wenn wir uns denken, daß der Pol damals nicht beim Polarstern, sondern eben am anderen Ende des kleinen Bären / Wagens bei Kochab und Pherkad lag, müßte Orion um eben diesen Betrag versetzt gewesen sein. Mit Google Earth sieht man leider nicht genau, wo er dann wann landen würde.

RM

[consus]

Gratias vobis ago, amici, pro responsis; quibus autem perlectis discendi me cupidum contentum esse nego. Quod valde doleo. Forsitan rem et alia ratione explicari liceat: constat punctum quod vocatur aequinoctiale vernum ex Ariete, quo loco temporibus situm erat Babyloniorum, anno ante Christum natum circiter septuagesimo intrasse in Pisces continenterque ex eo tempore eo usque migrasse, ut nostra aetate mediis in Piscibus positum sit*. Equidem cum neque astronomus sim neque mathematicus, tacere malim quam coniectura aliquid augurari. Forsitan instrumentum reperiatur calculatorium, quo illius rei, quam ad astronomiae historiam pertinere puto, rationem accuratiorem habere possimus.


-------------------------------------
* H.-U. Keller, Kompendium der Astronomie, Stuttgart 2008, S. 46.

[Zythophilus]

Qui sub nocte duas stellas uidet esse polares,

neglegit Vraniam teque, Lyaee, colit.

[consus]

Iam satis est: celsi fugiant me sidera caeli.

Sola mihi in terris verba polita placent.

[Zythophilus]

Iam, qua parte uolent, Consus non cogitat, astra.

An sunt fixa nigro sidera clara polo?

Siue poli gemini siue est quoque tertius Austro,

carmina Nasonis nocte dieque placent.

[consus]

Omnibus hanc epistulam lecturis s.
Quod ad quaestionem a. d. XVII Kal. Febr. a me allatam attinet, etiam ii, qui physicae rationis se non ignaros esse praedicant, consilii inopia ipsi videntur laborare. Quod valde doleo. Sed iam satis superque: relinquamus ergo res astronomicas.

[Domingo]

http://www.raumfahrer.net/forum/cgi-bin ... 32728492/0

Patientia virtus fortium

[consus]

Ita est, mi amice. Gratulor. Equidem hac ratione quaestionem illam Ovidianam ad exitum adductum iri spero. Stellarium ex rete iam extraxi, neque tamen scio, quomodo programmate utendum sit...

[consus]

Consus amicis suis s.
Quod ad aestivum Orionis ortum attinet, Pyrrha nostra benevole ad me scripsit haec:
Quod attinet ad quaestionem tuam de Orione, programmate "Stellarium" inscripto usa inveni illis diebus anni 0 Romae Oriona nihil magis quam invisibilem fuisse, pleno enim die horizontem supergressus totum diem Sole obscurabatur (quod hodie, revera, non valde diversum est). Non autem inveni binas stellas Kochab et Pherkad in polo fuisse, profecto, nulla omnino stella visibilis tunc sicut hodie Polaris in ipso polo inveniebatur, neque polum inter se cingebant. Dubium non est etiam tunc Ursam Minorem omnium constellationum polo fuisse maxime vicinam, at quibus de stellis loquatur Ovidius, incertum mihi est, fortasse de Kochab et Polaris. Cum nescioqua de causa in forum e-Latein aditus mihi obstruatur, tu, si velis, meo nomine id scribas.
Nihil ergo aliud restare puto nisi dolere, quod ad rem accurate explicandam Nasonem ab inferis evocare vetamur. Ceterum maximas ago gratias Pyrrhae pro suscepto investigandi labore. Tibi autem quid videtur, Domingo?
Bene et feliciter valete.

[Domingo]

Tibi autem quid videtur, Domingo?

Difficillima mihi quaestio videtur. Quidquid est, solem antiquos in stellarum numero non habuisse (id de quo in quaestione mea pristina agebam) certum esse videtur; neque poteram scire ex hoc quaesito meo fore ut tanta ingeniorum exercitatio oriretur

Quod ad ipsam interpretationem textus Nasionani attinet, nescio quid dicam. Aliqua parte errorem latere necesse est et nos locum vel non recte intellegere vel a scribis non recte traditum observare. Pertemptandum est an ex ordine stellarum a poeta descripto tempus anni inferri possit, ad quod locus iste vere pertineat

Valete