quantum studia Latina apud universitates Germanicas valeant, me parum scire confiteor. tamen ipsam universitatem Saravipontanam de Latinitate viva optime meritam esse haud ignoro. sed nostra aetate fit, ut ii, qui in re publica versantur, ipsa litterarum studia ad utilitatem oeconomicam referant nullasque nisi oeconomiae leges sequantur. ideo non est mirum, quod eruditionem ac humanitatem parvi aestimant, nisi forte quid lucri ex ea capiatur. accedit, ut ii, quibus cura humanitatis commissa est, eam ipsam, quam colere vel cui favere eos oporteat, saepissime neglegant vel prorsus contemnant. nonne fieri solet, ut in potestate indoctissimi cuiusque sit de iis rebus, quae ad humanitatem pertinent, constituere? librum isti legere debuerunt luculentissimum, quem Conradus Paulus Liessmann philosophus paucis abhinc annis de humanitate depravata scripsit (K. P. Liessmann, Theorie der Unbildung. Wien 2006).
Medicus domesticus hat geschrieben:Wichtig wäre auch eine Art Voting, ähnlich wie in den USA: Studenten (auch diejenigen, die "nur" ihr Latinum brauchen) beurteilen die Lehre und die Lehrenden.
o tristem doctrinae statum, cum in ipsa humanitate colenda atque curanda ad Americanos respiciamus!
caveamus, ne nimia studiosis concedamus, ne ex libertate licentia fiat! quidnam eiusmodi suffragia efficient, nisi ut acceptissimus quisque peritissimo anteponatur?