causa non est, mi/mea (?) jonikroni, cur menda tua, si modo quae sint, excuses. nam quis est, qui dicere possit se numquam erravisse?
sed haec ad tuam quaestionem respondere velim: si in "arte Latine loquendi" vis proficere, duabus imprimis rebus tibi opus erit, usu ac constantia. memento usum esse magistrum optimum
: quam saepissime te exerceas in arte non solum convertendi, sed etiam libere Latine loquendi, licet primo multa sint mendosa. ERRANDO DISCIMUS !
ne animo defeceris,nisi labor tuus statim bonos eventus habeat.Romam ipsam non uno die exaedificatam esse constat.
vale.