Moderatoren: Zythophilus, marcus03, Tiberis, ille ego qui, consus, e-latein: Team
Videte nunc puellam parvam nudos per pedes gelu rubescentes atque violaceos iter facientem ! Praecinctorium suum paene dissolutum vetustate copia ligneolorum sulphureorum completum erat, quorum cum puella in sua manu unum fasciculum gereret.
Nemo ligneolos per totum diem emerat a puella.
Nemo dederat unum assem puellae fame vexatae frigoribusque algenti !
Isto modo pedibus iit - speciem exterritam signifigans - puella misera parva.
Nivium comam flavam puellae venuste se circum collum curvantem tangentium splendor videlicet non percipi poterat a puella nostra. Fenestrae domuum splendide fulgebant luce, et in viis assorum odor suavis anserinorum fragrans hominibus significabat ultimum vesperum anni: vesperum Sancti Sylvestri. De hac re puella secum meditata est.
Pars IV. ....paene deliro…
Iterum inflammabatur unus ex ligneolis a puellula ! Lumen suum ostendebat flammaeque concipiebantur, et – mirabile dictu ! – loca parietis luce tacta quasi pelluciditate velaminis in conspectum puellae adduxerunt conclave, in quo mensa ornata candido tegmento et vasis fictilibus elegantibus parata erat. Magnificus nidor suavis assi anserini insertis prunis malisque percipi poterat;
Etiam magnificius supradictis hoc:
Anser assatus de patina desiluit, more avium aquaticarum per conclave ambulavit, culter et furcilla
in tergo fixa; puellam parvam ipsam anser petivit !
Sed..eheu ! Subito flammula ligneoli exstincta, res bonae ex conspectu remotae sunt et nihil nisi paries solida atque algida iterum in conspectum parvae puellae venit !
Ligneolo sulphureo novo inflammato puella transportata est sub abietem Festi Christi Nati
pulcherrimam; ea arbor multo maior et pulchrius ornata erat arbore, quam Eodem Tempore anno praeterito per orbem vitreum ianuae mercatoris puellula conspexerat.
Mille candelae inflammatae ramis herbaceis affixae erant, et imagines variis coloribus pictae, similes
eis,quae decori essent fenestrae tabernae mercatoris, animum et oculos suos( ) deorsum in puellam tetenderunt !
Puellula captura eas res bonas manibus – sed crudeliter reducta est in veritatem :
Exstinctus iterum ligneolus, splendor Festi Christi Nati magis magisque ascendit sublime, evanuit.
Nunc omnes res bonae mutatae erant in stellas luminosas, ut puella videbat, et una ex stellis
decidente caelo vestigium ardentem cometae cuiusdam monstrante puella parva secum :
“Nunc aliquis mortuus est !" , nam avia puellae vetus, - haec una clementem puellulae se praestiterat -,
nunc quidem mortua, sed dixerat olim:
“Cecidit cometa, anima ascendit.“
----textus insanus. maxima difficultate. ÄCHHZ---
Mitglieder in diesem Forum: 0 Mitglieder und 58 Gäste