"Haec declinatio progressa est cum protestantismo..."

Quo in foro Latine colloquamur!

Moderator: e-latein: Team

"Haec declinatio progressa est cum protestantismo..."

Beitragvon consus » Di 6. Aug 2019, 20:18

Haec declinatio progressa est cum protestantismo, per suam negationem sacrificii Missae, valoris absolutionis sacramentalis, proinde confessionis, per suam negationem infallibilitatis Ecclesiae, et Traditionis seu Magisterii, et necessitatis observandi praecepta ad salutem. Sunt quatuor negationes maximae quae evertunt fundamenta vitae christianae.

Consus amicis suis sal.
His diebus Mystica socia nostra studiosissima quoddam nobis opus proponit, quod inscribitur „De sanctificatione Sacerdotum secundum exigentias nostri temporis“. Composuit Romae anno aetatis nostrae MCMXLV Reginaldus Garrigou-Lagrange.
Quamvis ad hoc tempus nulla alia operis pars mihi nota sit nisi ea quam Mystica benigne ad nos misit, tamen primo aspectu confisus hoc iam breviter dicere velim:
Operis quidem scriptori ipsi minime obicio, quod doctrinae catholicae toto pectore videtur deditus esse, sed fateor, quo saepius verba illa legam et perpendam, eo graviore obloquendi me cupiditate affici ne dicam inflammari; religiosus enim vir in protestantismo condemnando mea quidem sententia sermone tam intolerabilis adrogantiae pleno utitur, ut quicumque fidem evangelicam profiteatur gravissime offendatur: Nonne ii quoque qui ex animi sententia protestantismo favent „fundamenta vitae christianae“ magni aestimant? Praeterea: Quibus argumentis e ratione ductis confirmatur ecclesiam, id est contionem quandam hominum mortalium eandem fidem profitentium, „infallibilem“ esse? Plura dicere possum, sed in praesens iam satis verborum.
Valete.
Benutzeravatar
consus
Pater patriae
 
Beiträge: 13849
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: "Haec declinatio progressa est cum protestantismo..."

Beitragvon mystica » Di 6. Aug 2019, 20:59

consus hat geschrieben:
Haec declinatio progressa est cum protestantismo, per suam negationem sacrificii Missae, valoris absolutionis sacramentalis, proinde confessionis, per suam negationem infallibilitatis Ecclesiae, et Traditionis seu Magisterii, et necessitatis observandi praecepta ad salutem. Sunt quatuor negationes maximae quae evertunt fundamenta vitae christianae.

Consus amicis suis sal.
His diebus Mystica socia nostra studiosissima quoddam nobis opus proponit, quod inscribitur „De sanctificatione Sacerdotum secundum exigentias nostri temporis“. Composuit Romae anno aetatis nostrae MCMXLV Reginaldus Garrigou-Lagrange.
Quamvis ad hoc tempus nulla alia operis pars mihi nota sit nisi ea quam Mystica ad nos misit, tamen primo aspectu confisus hoc iam breviter dicere velim:
Operis quidem scriptori ipsi non obicio, quod doctrinae catholicae toto pectore videtur deditus esse, sed fateor, quo saepius verba illa legam et perpendam, eo graviore obloquendi me cupiditate affici ne dicam inflammari; religiosus enim vir in protestantismo condemnando mea quidem sententia sermone tam intolerabilis adrogantiae pleno utitur, ut quicumque fidem evangelicam profiteatur gravissime offendatur: Nonne ii quoque qui ex animi sententia protestantismo favent „fundamenta vitae christianae“ magni aestimant? Praeterea: Quibus argumentis e ratione ductis confirmatur ecclesiam, id est contionem quandam hominum mortalium eandem fidem profitentium, „infallibilem“ esse? Plura dicere possum, sed in praesens iam satis verborum.
Valete.


Salve Conse, gratias tibi ago pro responso tuo! Omnino te intellego. Etiam dubitationes tuas bene intellegere possum.

Reverendus Pater Reginaldus Garrigou-Lagrange OP theologicus clarus ante Vaticanum II et defensor magnus rectae fidei Catholicae fuit. Mihi videtur theologia Thomismi rursus magni momenti esse, quia nostris temporibus depositum fidei magisque magis in oblivionem adduci videtur.

Post Vaticanum II ecclesia Catholica docet doctrinam novam, quae ex spiritu oecumeniae orta est ad quaerendum dialogum fraternum cum protestantismo.

Sanctus papa Ioannes Paulus PP. II Romae erat olim studiosus in illa Academia clara Angelici Ordinis Fratrum Praedicatorum studii theologiae et philosophiae causa. Reverendus Pater Reginaldus Garrigou-Lagrange OP magister eius theologiae mysticae fuit.

Studium theologiae mysticae videtur mihi maximi momenti esse. Ut nos omnes sciunt Sanctum papam Ioannem Paulum PP.II virum dialogi fraterni inter religiones fuisse. Hoc est meritum magnum theologici Reginaldi Garrigou-Lagrange OP, qui nobis theologiam mysticam rursus vivificavit.
Nam visio mystica via pacis omnibus religionibus esse possit. Etiam theologicus magnus et reverendus Pater Carolus Rahner SJ iam dixit in theologia mystica ecclesiam futuram positam fore.

Vale! ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Consul
 
Beiträge: 320
Registriert: So 3. Mär 2019, 10:37

Re: "Haec declinatio progressa est cum protestantismo..."

Beitragvon Exinterator » Sa 10. Aug 2019, 14:59

consus hat geschrieben:
...
Praeterea: Quibus argumentis e ratione ductis confirmatur ecclesiam, id est contionem quandam hominum mortalium eandem fidem profitentium, „infallibilem“ esse? Plura dicere possum, sed in praesens iam satis verborum.
Valete.

hoc enim interest inter catholicos et evangelicos, quod evangelici Ecclesiam societatem quandam hominum eandem fidem profitentium putant, catholici vero non item ...
Benutzeravatar
Exinterator
Consul
 
Beiträge: 349
Registriert: Mi 15. Jul 2015, 01:17

Re: "Haec declinatio progressa est cum protestantismo..."

Beitragvon mystica » So 11. Aug 2019, 15:54

Exinterator hat geschrieben:hoc enim interest inter catholicos et evangelicos, quod evangelici Ecclesiam societatem quandam hominum eandem fidem profitentium putant, catholici vero non item ...


Salve optime Exinterator!

Distinctionem recte dixisti. Nam enim secundum symbolum apostolicum est ecclessia Catholica ea una sancta apostolica ecclesia ut scriptum est: "Et unam, sanctam, catholicam et apostolicam Ecclesiam!" Et secundum doctrinam Catholicam papa, Episcopus Romanus, Summus Pontifex Ecclesiae Catholicae, ex cathedra loquens infallibilitate in rebus fidei ac morum pollet. Vale! ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Consul
 
Beiträge: 320
Registriert: So 3. Mär 2019, 10:37

Re: "Haec declinatio progressa est cum protestantismo..."

Beitragvon marcus03 » So 11. Aug 2019, 16:09

mystica hat geschrieben: ex cathedra loquens infallibilitate in rebus fidei ac morum pollet.


Nostine hunc librum:
Hans Küng, Unfehlbar, Eine Anfrage, 1970.

Responsa;
https://www.amazon.de/Problem-Unfehlbar ... B004JDN0F6
(In hoc libro inter alios et Josef Ratzinger responderat)
marcus03
Dominus
 
Beiträge: 7704
Registriert: Mi 30. Mai 2012, 06:57

Re: "Haec declinatio progressa est cum protestantismo..."

Beitragvon mystica » So 11. Aug 2019, 19:19

marcus03 hat geschrieben:
mystica hat geschrieben: ex cathedra loquens infallibilitate in rebus fidei ac morum pollet.


Nostine hunc librum:
Hans Küng, Unfehlbar, Eine Anfrage, 1970.

Responsa;
https://www.amazon.de/Problem-Unfehlbar ... B004JDN0F6
(In hoc libro inter alios et Josef Ratzinger responderat)


Salve Marce mi amice carissime et magister optime!

Mihi nota est causa Ioannis Küng. Sed certe scis missionem canonicam theologo Ioanno Küng dubitatione de infallibiltate papali ademptam esse. Roma locuta, causa finita!

Hodie videntur mihi libri de controversia theologi Küng ad theologiam historicam pertinere. Nam, theologus Ioannes Küng magnum opus theologicum ad pacem religionum pertinens scripsit, quod in voce Germanica "Weltethos – mundus moralis" appellatur et hoc opus a Papa Benedicto XVI et Papa Francisco laudatum et adprobatum est. Vale! ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Consul
 
Beiträge: 320
Registriert: So 3. Mär 2019, 10:37

Re: "Haec declinatio progressa est cum protestantismo..."

Beitragvon Exinterator » Mi 14. Aug 2019, 04:09

mystica hat geschrieben:
Exinterator hat geschrieben:Et secundum doctrinam Catholicam papa, Episcopus Romanus, Summus Pontifex Ecclesiae Catholicae, ex cathedra loquens infallibilitate in rebus fidei ac morum pollet. Vale! ;-)


Recte dicis, tamen si memoriter id retineo, infallibilitas Papae palam pro dogmate haberi coepta est solummodo inde a Concilio Vaticano I; sed quaestiones theologicae de supremo Papae magisterio potissimum tempore Jansenismi ortae sunt.
Benutzeravatar
Exinterator
Consul
 
Beiträge: 349
Registriert: Mi 15. Jul 2015, 01:17

Re: "Haec declinatio progressa est cum protestantismo..."

Beitragvon mystica » Mi 14. Aug 2019, 12:32

De Infallibilitate Papali

Itaque Nos traditioni a fidei Christianae exordio perceptae fideliter inhaerendo, ad Dei Salvatoris nostri gloriam, religionis Catholicae exaltationem et Christianorum populorum salutem, sacro approbante Concilio, docemus et divinitus revelatum dogma esse definimus: Romanum Pontificem, cum ex Cathedra loquitur, id est, cum omnium Christianorum Pastoris et Doctris munere fungens, pro suprema sua Apostolica auctoritate doctrinam de fide vel moribus ab universa Ecclesia tenendam definit, per assistentiam divinam, ipsi in beato Petro promissam, ea infallibilitate pollere, qua divinus Redemptor Ecclesiam suam in definienda doctrina de fide vel moribus instructam esse voluit; ideoque eiusmodi Ramani Pontifices definitiones ex sese, non autem ex consensu Ecclesiae irreformabiles esse. Si quis autem huic Nostrae definitioni contradicere, quod Deus avertat, praesumpserit; anathema sit.


Recte dixisti, optime Exinterator, quaestiones theologicas de supremo Papae magisterio potissimum tempore Jansenismi ortae esse. Nam, e. g. "ecclesia vetus Catholica" divisa in partes duas est: quarum altera ab Iansenismo orta est anno millesimo octingentesimo septuagesimo uno sub schisma quod dicitur Ultraiectensis; altera est illorum, qui definitiones Concilii Vaticani I de infallibilitate Romani Pontifis eiusque universali iurisdictione in Ecclesiam repudiaverunt.

De Primato Iurisdictionis Papalis:

Si quis itaque dixerit, Romanum Pontificem habere tantummodo officium inspectionis vel directionis, non autem plenam et supremam potestatem iurisdictionis in universam Ecclesiam, non solum in rebus, quae ad fidem et mores, sed etiam in iis, quae ad disciplinam et regimen Ecclesiae per totum orbem diffusae pertinent; aut eum habere tantum potiores partes, non vero totam plenitudinem huius supremae potestatis; aut hanc eius potestatem non esse ordinariam et immediatam sive in omnes ac singulas ecclesias, sive in omnes et singulos pastores et fideles; anathema sit.
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Consul
 
Beiträge: 320
Registriert: So 3. Mär 2019, 10:37

Re: "Haec declinatio progressa est cum protestantismo..."

Beitragvon marcus03 » Mi 14. Aug 2019, 14:04

Exstinxi. Falso in foro scripseram.
Zuletzt geändert von marcus03 am Mi 14. Aug 2019, 14:42, insgesamt 1-mal geändert.
marcus03
Dominus
 
Beiträge: 7704
Registriert: Mi 30. Mai 2012, 06:57

Re: "Haec declinatio progressa est cum protestantismo..."

Beitragvon Tiberis » Mi 14. Aug 2019, 14:34

nunc tuum est, optime Marce, id, quod scripsisti, in Latinum convertere. nam sumus in foro quod dicitur Latine loquendi. :D quod num es oblitus?
agedum, converte ! :lol:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10311
Registriert: Mi 25. Dez 2002, 20:03
Wohnort: Styria

Re: "Haec declinatio progressa est cum protestantismo..."

Beitragvon marcus03 » Mi 14. Aug 2019, 14:44

Veniam peto. Forum falsum petiveram.
Contributum modo alium in forum transtuli. :)
marcus03
Dominus
 
Beiträge: 7704
Registriert: Mi 30. Mai 2012, 06:57

Re: "Haec declinatio progressa est cum protestantismo..."

Beitragvon consus » Mi 14. Aug 2019, 21:51

mystica scripsit / hat geschrieben:De Infallibilitate Papali
Itaque Nos...docemus et divinitus revelatum dogma esse definimus: Romanum Pontificem, cum ex Cathedra loquitur... ea infallibilitate pollere, qua divinus Redemptor Ecclesiam suam in definienda doctrina de fide vel moribus instructam esse voluit... Si quis autem huic Nostrae definitioni contradicere ...praesumpserit; anathema sit.

Quam arroganter demonstretur papam "ex cathedra" loquentem errare non posse ex hoc apparet dogmate vel decreto quod verbis anathema sit, id est removeatur a societate Christianorum, ad finem venit. Quid Iesus ipse de gravissima hac sententia dixisset?
Benutzeravatar
consus
Pater patriae
 
Beiträge: 13849
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: "Haec declinatio progressa est cum protestantismo..."

Beitragvon mystica » Do 15. Aug 2019, 10:06

consus hat geschrieben: Quid Iesus ipse de gravissima hac sententia dixisset?


In Evangelio Mathaei hos versus de apostolo Petro legimus ut sequitur:

"et ego dico tibi quia tu es Petrus et super hanc petram aedificabo ecclesiam meam et portae inferi non praevalebunt adversum eam et tibi dabo claves regni caelorum et quodcumque ligaveris super terram erit ligatum in caelis et quodcumque solveris super terram erit solutum in caelis". (Cf. Vulgata, Math 16, 18-19).


Haec enim sunt verba Christi ad Petrum qui ex auctoritate Christi princeps apostolorum super terram est. Claves regni caelorum Petro a Iesu Christo ipse traditi sunt.

Ut doctrinam sanctae ecclesiae catholicae de infallibilitate melius intellegas, te oro, ut id legas et cogites, ut sequitur:

"Si Ecclesia est infallibilis in custodiendo deposito fidei saltem stricte sumpto, ac proinde in declarando vero sensu dogmatum revelatorum; eo ipso est infallibilis in iudicio de vero sensu, de intensione et extensione quae propriae auctoritatis et infallibilitatis seu, quod idem est, in iudicio de conditionibus et de obiectis, in quibus sibi divino iure competat auctoritas et promissa sit assistentia Spiritus veritatis. Haec enim auctoritas et infallibilitas in se profecto est dogma revelatum. Si enim Ecclesia vel Pontifex loquens ex cathedra actu definit veritatem in se non revelatam, eo ipso exercite etiam definit extensionem suae infallibilitatis ad huiusmodi veritates. Definit ergo vim ac verum sensum dogmatis revelati, cuiusmodi certe est infallibilitas Ecclesiae et Pontificis." (Franzelin SJ, Joh. Bapt. (1875): De divina Traditione et Scriptura, Romae, p. 124 et seq.)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Consul
 
Beiträge: 320
Registriert: So 3. Mär 2019, 10:37

Re: "Haec declinatio progressa est cum protestantismo..."

Beitragvon consus » Do 15. Aug 2019, 12:07

Equidem, o Mystica, nego id quod scriptum legimus in Math. 16, 18-19 ab ipso Iesu dictum esse. Paucae enim sunt sententiae quas ab ipso Iesu pronuntiatas esse sine ulla dubitatione licet existimari; maior earum pars ab iis qui evangelia scripsisse traduntur inventa videtur esse, ut fidei doctrina confirmaretur.
Benutzeravatar
consus
Pater patriae
 
Beiträge: 13849
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: "Haec declinatio progressa est cum protestantismo..."

Beitragvon mystica » Do 15. Aug 2019, 12:33

consus hat geschrieben:Equidem, o Mystica, nego id quod scriptum legimus in Math. 16, 18-19 ab ipso Iesu dictum esse. Paucae enim sunt sententiae quas ab ipso Iesu pronuntiatas esse sine ulla dubitatione licet existimari; maior earum pars ab iis qui evangelia scripsisse traduntur inventa videtur esse, ut fidei doctrina confirmaretur.


Cogita verba Christi quae ad fidem nos moneant:

paenitemini et credite evangelio
(Cf. Marcus 1,15)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Consul
 
Beiträge: 320
Registriert: So 3. Mär 2019, 10:37

Nächste

Zurück zu Latine loquendi



Wer ist online?

Mitglieder in diesem Forum: 0 Mitglieder und 2 Gäste