aenigmata

[Christophorus]

Ita est. Adhuc solum "stationem ferriviae" intellego. Fortasse machina gugulatoria nobis auxilium ferre potest?

[Tiberis]

Paucos esse nisi peritos puto, qui illos gradus recte intellegant

pro Minerva ! miror temet ipsum , virum rerum naturalium peritissimum, id dixisse-
sed Sphinx Styriaca mitem vult se praestare:
si tu, o Marce, tempore aequinoctiali (i.e. XII.Kal.Apr. vel VIII.Kal. Oct.) loco quodam in circulo aequinoctiali sito meridie versaris, sol habet altitudinem XC graduum, quia supra verticem tuum fulget.
ex quo sequitur, ut angulus, ex quo sol ibi conspicitur, totidem graduum est.
qua re cogitata nonne perfacile est coniectare gradum latitudinis, ex quo solem ex angulo XXXVIII graduum (eodem scilicet tempore) conspicimus ?

[marcus03]

pro Minerva ! miror temet ipsum , virum rerum naturalium peritissimum, id dixisse-

Sunt quaedam res ad geometriam pertinentes, quas minime diligo. Inter quas illa est, de qua aegnima tuum agitur.

[medicus]

Et medicus hastam iamdiu abiecit Reditum consi nostri exspectemus!

Medici quidem dicuntur ratiocinari non posse tantummodo "eine Rechnung schreiben".

[consus]

Consus Tiberi geographo peritissimo s. d. p.
Ipso initio autumni feliciter in patriam reversus in tuum me aenigma solvendum contuli. Quamvis non parum animi pendeam, facere non possum quin hoc me scribam in animo mecum agitasse:
Quaeritur latitudo urbis. Adhibenda est haec aequatio: h = 90° - β +/- δ.
h altitudo solis: 38°; β latitudo urbis; δ declinatio initio veris/autumni: 0°. Sequitur ut latitudo urbis de qua cogitas sit 52°; nam 38° = 90° - β; β = 52°.
Videtur (propter illud "fere") paulo difficilius esse ipsam reperire urbem, sed circino adhibito te cogitare suspicor de urbe Posna (52° 24‘ 23‘‘ N) in Polonia sita. Distat enim Lutetia Parisiorum a Roma 1105,52 km et a Posna 1099,67 km. Pro dolor! Neglexi scripsisse te urbem caput esse civitatis Europaeae, sed cunctor urbem scribere esse Varsoviam (52,22° N) Poloniae caput, quae quidem urbs a Lutetia distat 1367,06 km. In quadam me perturbatione esse vides.

[mystica]

.

[Tiberis]

Tiberis et Conso et Mysticae s.d.p.

ad Consum:
gaudeo te, amice spectatissime, féliciter ad nos revertisse. aenigmata nostra te iam desiderabant.
sed doleo, quod urbem, quae quaeritur, nondum invenisti latitudine quidem bene computata.
nam fieri non potest, ut ex urbe Posna , cui longitudo geographica est XVII fere graduum, hora duodecima et dimidia solem in caelo meridiano conspiciamus.
ceterum Posna caput civitatis Europaeae non est..
his quidem rebus cogitatis te urbem quaesitam sine difficultate inventurum pro certo habeo.

ad Mysticam:

doleo, quod iterum erras. latitudine loci neglecta (quam Consus recte investigavit! ) urbem non reperies.

[Zythophilus]

Vrbs quaesita tibi, Tiberis, mihi Minsca uidetur,

cum Minscae esse mihi moenia nota negem.

A septem haec absunt - an fallor? – collibus aequo,

ac spatio Minsca Sequana latus abest.

[mystica]

.

[Zythophilus]

Posonium quidem minore spatio a Roma quam Lutetia abest.

[Tiberis]

eheu, errat uterque! Minsca non est
urbs, cum tempore* differat graduque.**
nec Bosonia*** quaeritur,quod aptam
horam* non habet angulumque solis**.



* Minsca : 27°33' longitudinis orientalis, Bosonia: 17°9' l.o.
** nonne Consus gradum latitudinis, ex quo pendet altitudo solis, iam invenit? > 52° !
*** Bosonia = Posonium = Bratislava (Pozsony)

[mystica]

.

[consus]

Consus Tiberi amico suo illustrissimo s. d. p.
Denuo circino meo nautico confisus et diligentius (ut ego quidem opinor ) de vero qui vocatur meridie meditatus nunc ausim scribere nullam aliam urbem tibi ante oculos obversari nisi Varsoviam (latitudo ad septemtriones spectans 52,2°, longitudo ad orientem spectans 21,0°). Abest urbs Varsovia ab urbe Lutetia Parisiorum 1367 km et ab urbe Roma 1316,6 km.
Utinam ne, o di immortales, denuo errore captus sim!

[Tiberis]

Utinam ne, o di immortales, denuo errore captus sim!

ne id timueris, mi doctissime amice! nam re diligentissime, ut mos tuus est, perpensa urbem quaesitam postremo invenisti. GRATVLOR !!

ad Mysticam:

Hafnia caput Daniae nonne latitudinem habet LV fere graduum? praeterea sol ex ea urbe non hora duodecima et dimidia (tempore scil. aestivo) in caelo meridiano conspicitur, sed paulo post horam tertiam decimam, propterea quod urbs Hafnia inter circulum meridianum XII et XIII sita est.

[consus]

Amicis suis pariter omnibus sal.
Oro vos benevole novum hoc accipiatis aenigma:
Narrat in fabula saec. XIX scriptor celeberrimus negotium initio saec. XIV ad iuvenem delatum esse ut quam plurima suae aetatis carmina ne oblivione obruerentur enixe colligeret diligenterque describeret. Quae poemata permultis tum imaginibus versicoloribus ornata et in unum corpus sive codicem comportata etiamnunc – quid mirum – retis auxilio inspici possunt.
Investigate quaeso inscriptionem fabulae, nomen scriptoris, nomen iuvenis cui illud negotium datum est, inscriptionem codicis.