De caelo servando

Quo in foro Latine colloquamur!

Moderator: e-latein: Team

De caelo servando

Beitragvon ille ego qui » Di 1. Okt 2019, 23:19

Salvete, sodales,

pervelim scire, vos quid sentiatis de studio illorum discipulorum, qui caeli servandi causa Veneris diebus scholas neglegunt; de Margareta puella illa Sueca; de actionibus eorum, qui in re publica versantur ...?

Valete!
post coitum omne animal triste est praeter mulierem gallumque
ille ego qui
Augustus
 
Beiträge: 5501
Registriert: Sa 3. Jan 2009, 23:01

Re: De caelo servando

Beitragvon Christophorus » Do 3. Okt 2019, 12:29

Timeo Danaos et donuts ferentes.
Christophorus
Senator
 
Beiträge: 2807
Registriert: Sa 27. Nov 2004, 23:43

Re: De caelo servando

Beitragvon consus » Do 3. Okt 2019, 13:25

Quaeris, optime Ille, quid sentiamus „ de studio illorum discipulorum, qui caeli servandi causa Veneris diebus scholas neglegunt“.
Equidem, ne inter nos dissideamus, concedo istam puellam Suecam vel eos a quibus forsitan stimulata sit, de illa re aliqua ex parte bene meritos esse. Et sane ingeniose sententia ficta est „Frydays for Future“; efficacissime enim alliteratione quae vocatur tria illa verba mentibus infixa sunt. Quid ergo mirum, si Veneris dies postulationis declarandae causa constituta est? Accedit ut discipuli Veneris diebus in scholas convocati maiore multitudine quam tempore ab officiis vacuo ad iram propalam demonstrandam parati esse videantur. Quamvis ea quae a discipulis postulantur iusta sint, tamen quaerendum est, quando illa res legitima ad exitum perventura sit; neque enim hodie neque cras neque in postero tempore sanam caeli temperationem puto facile confirmari posse. Nonne timendum est ne posthac schola futura sit quattuor dierum?
Benutzeravatar
consus
Pater patriae
 
Beiträge: 13901
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: De caelo servando

Beitragvon Longipes » Do 3. Okt 2019, 21:52

Discipulis assentior postulantibus, ut gubernatores rerum publicarum totius orbis terrarum fidem praestent, quem Pacto Lutetiae dederint. Quod, quamvis nonnulli eorum in falsa opinione sint, iure postulant optimo. Quis enim est, cui in his rebus exploratum sit ad verum se accedere? Me quidem, qui minime de rerum natura scientiarum peritus sum, nihil ad veritatem loqui posse libenter confiteor. Nego tamen plurimos esse homines studiosos ac eruditos, qui victum nostrum caelo terraeque nocere affirment. Praeterea hoc in promptu est, victus ille sine iniuriis fieri non posse. Etiam nisi caelum servare opus est, nihilominus tempus est agendi.

Ceterum maxime me perturbat et in tristitiam excitat odium illae Margaretae, quo multi adulti feruntur. Quid istos impellit ad mortem puellulae optandam?
Zuletzt geändert von Longipes am So 6. Okt 2019, 14:01, insgesamt 1-mal geändert.
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1731
Registriert: Mo 20. Sep 2010, 12:50

Re: De caelo servando

Beitragvon mystica » So 6. Okt 2019, 12:08

Salve optime Longipes!

Ex toto corde meo tibi assentior. Verba tua enim mihi sunt consolationi et confidentiae.

Multi periti scientiae nos ex longo valde monuerunt de periculis mutationis caeli ad nos homines pertinentibus. Tamen autem nihil factum est!

Discipula Greta Thunberg iterum iterumque coram publico de magnis periculis mutantis in terra caeli loquitur. Ea de causa discipulae Gretae Thunberg gratias agere debemus, quod coram publico de magnis periculis mutationis caeli vehementissime monet. Magnum odium autem istius discipulae Gretae Thunberg non tolerandum et severe damnandum est.

Vere iamdudum tempus adest, ut caeli protegendi causa agamus. Itaque maximi momenti est nos vitam nostram mutare.

Vale! Mystica ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Proconsul
 
Beiträge: 430
Registriert: So 3. Mär 2019, 10:37

Re: De caelo servando

Beitragvon medicus » So 6. Okt 2019, 13:02

consus hat geschrieben: Nonne timendum est ne posthac schola futura sit quattuor dierum?


Quid de hoc argumento consi? :roll:
medicus
Augustus
 
Beiträge: 4638
Registriert: Do 9. Dez 2010, 11:39

Re: De caelo servando

Beitragvon Longipes » So 6. Okt 2019, 13:53

medicus hat geschrieben:
consus hat geschrieben: Nonne timendum est ne posthac schola futura sit quattuor dierum?


Quid de hoc argumento consi? :roll:


Discipuli, si audiri volunt, audientiam sibi facere debent. Quam adepti sunt.

Equidem magister discipulos, qui institutionem deserant, laudare minime possum (etsi id laudo, quod in re publica versari student). Ad omnem eventum parati esse debent. Quem autem ferentes verissime se loqui probabunt.

Ceterum mihi persuasum est factionem FFF non semper eodem modo agitaturam. Multi magistri parentes factiones iam student consilia cum discipulis communicare.
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1731
Registriert: Mo 20. Sep 2010, 12:50

Re: De caelo servando

Beitragvon consus » So 6. Okt 2019, 14:20

Consus amicis suis consideratissimis sal.
Quamvis arbitrer illam puellam Suecam fervore aetatis suae incitatam iusto nos iure monuisse de caeli temperatione in periculum deducta, tamen nescio quomodo animo mihi obversantur clarissimi vatis Venusini versus (epist. 1, 2, 62sq.):
Ira furor brevis est: animum rege; qui nisi paret,
Imperat; hunc frenis, hunc tu conpesce catena.

Quid aliud freni sunt et catena nisi prudentia ratio consiliumque? Ira quidem exsuscitamur, sed puto rationi quoque et consilio locum esse dandum, ne temeritate impulsi et inconsiderantia frustra laborem suscipiamus.
Benutzeravatar
consus
Pater patriae
 
Beiträge: 13901
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: De caelo servando

Beitragvon Longipes » So 6. Okt 2019, 14:57

Hoc loco exoritur quaestio, cui prudentia ratione consilioque utandum sit. Nam hominibus eruditis ex longo monentibus quid fecimus? Plura consumpsimus, saepius volavimus, maioribus autocinetis vecti sumus. Quare? Quod magis metu paupertatis quam caeli commoti eramus.

Pueri puellaeque caelum servare non possunt. Multi autem eorum, qui agere possunt, agere nolunt. Nonne vita nostra suavis et dulcis est? Quis parcius vivere mavult? Νεκρὰ δὲ Δευκαλίων αὐτὰ κατακλυσάτω.

Dicenti tibi assentior ira sola permotis rem nullam succedere. At si tempus agendi est, animi interdum ira excitandi sunt.
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1731
Registriert: Mo 20. Sep 2010, 12:50

Re: De caelo servando

Beitragvon mystica » Mo 7. Okt 2019, 08:46

Longipes hat geschrieben: Pueri puellaeque caelum servare non possunt. Multi autem eorum, qui agere possunt, agere nolunt. Nonne vita nostra suavis et dulcis est? Quis parcius vivere mavult? Νεκρὰ δὲ Δευκαλίων αὐτὰ κατακλυσάτω.


Salve optime Longipes! Plane tibi assentior. Haec enim sunt verba vera! Nunc autem agendum est! Itaque ratio vivendi nobis mutanda est. Vale! ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Abbas Bernardus Clarevallis)
Benutzeravatar
mystica
Proconsul
 
Beiträge: 430
Registriert: So 3. Mär 2019, 10:37

Re: De caelo servando

Beitragvon Tiberis » Mo 7. Okt 2019, 23:08

consus hat geschrieben: sed puto rationi quoque et consilio locum esse dandum, ne temeritate impulsi et inconsiderantia frustra laborem suscipiamus.

Facere non possum, quin Conso nostro, ut plerumque fit, ex omni parte assentiar. Numquam enim errabimus, si illud Horati memoria tenebimus "Aequam memento rebus in arduis servare mentem".
Quam ob rem optandum est, ne ii, qui rebus publicis praesunt, temeritate eorum commoveantur vel potius inficiantur, qui nescioqua puella duce iuvenilia arma in adultos movent. Non nego in eius asseclis esse, quibus caelum servandum sit curae, tamen haud minima pars prompta esse videtur ad cuilibet rei reclamandum, dummodo schola neglecta id fiat.
Quorum insania Interim eo processit, ut Sueculam illam veluti in statum sanctae virginis redigerent et de praemio Nobeliano ei tribuendo cogitarent.
Pro di immortales! Nonne aequum est in qualibet disputatione alteram quoque partem audire? In tanta quidem insania non iam audiuntur, qui de caelo calefacto aliter sentiunt. Quorum voces, licet rarissimae sint, ab iis, qui in re publica plurimum valent, opprimuntur ac negleguntur, nec multum abest, quin ii, qui furorem atque insaniam multitudinis incitatae reprehendunt, odii iuventutis insimulentur, cum rei quasi necessariae resistant.
Res ipsa in memoriam revocat furorem, quo commoti medio saeculo XX adulescentes Sinenses non solum contra potentissimum quemque , sed etiam contra magistros et parentes suos incitati sunt, scilicet persuasum habentes nil nisi rem necessariam a se agi.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10451
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon marcus03 » Di 8. Okt 2019, 06:54

Tiberis hat geschrieben:In tanta quidem insania non iam audiuntur, qui de caelo calefacto aliter sentiunt.

Quos dicis? Trumpos? Peritos corruptos aut emptos? Omnes illos, cui oeconomia magis cordi est circumiectis salubribus et tempore reliquo, quod ad prolem attinet?
Nonne constat in republica non agi nisi "pressus fiat" aut calamitates evenerint/immineant?
Nonne omnes vere periti inter se consentiunt de periculis ex caelo non servato naturis?
Praetereo maria contaminata, fluvios mortuos, morbos affluentia effectos, ...
Nonne genus humanum aliter cogitare debet, si superesse vult in terra tolerabili?
Nonne "metanoia" opus est, de qua et quidam Nazarenus olim dixisse dicitur?
Nonne orbis periclitatur, ne avaritia, egoismo, qui vocatur, megalomania etc. perdatur?
Compromissa quidem sunt reperienda, sed non "putida".
"Non quia sunt difficillima non audemus, ..."
marcus03
Dominus
 
Beiträge: 7928
Registriert: Mi 30. Mai 2012, 06:57

Re: De caelo servando

Beitragvon Longipes » Di 8. Okt 2019, 17:30

Tiberis hat geschrieben:Nonne aequum est in qualibet disputatione alteram quoque partem audire?

Quamquam verba tua haud dubie aequa sunt, constat tamen unam partem per longissum spatium temporis non satis auditam esse. Mementote primum conventum de caelo servando Unitarum Nationum abhinc annos XL factum esse. XX his annis proximis autem cura caeli nimis neglegebatur. Quibus annis et ii, qui caelum ab hominibus magis calefactum esse postulant, opprimebantur.

Quorum factio nunc eo popularius agit. Et multi eorum certe in falsa opinione sunt, ut in disputationibus semper fieri solet. Agedum! Noli de Margaretha loqui, sed ipsa de re!
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1731
Registriert: Mo 20. Sep 2010, 12:50

Re: De caelo servando

Beitragvon Tiberis » Di 8. Okt 2019, 17:47

marcus03 hat geschrieben:Quos dicis? Trumpos? Peritos corruptos aut emptos?

o Marce, Marce…

nonne verba tua animosa nobis documento sunt, quantum a ratione et aequa mente iam aberraverimus?
si ii, qui aliter sentiunt, corruptelae insimulantur, lex fundamentalis neglegitur, quam in omni docta disputatione valere oportet: alterius quoque sententiam esse respiciendam. tristem quidem statum disputationis, quae de caelo calefacto habetur, in eo, quod supra dixi, iam vituperavi. nonne saepissime fiebat, ut doctissimus quisque in errore versaretur`? Memini quadraginta fere abhinc annis haud raros fuisse, qui aetatem glacialem imminere dicebant caelo aliquantillum frigescente.
Nemo fere est, qui caelum calescentem infitietur. sed de causis sine ira et studio, praecipue sine ulla temeritate, disputandum est. solam culpam esse in dioxydo carbonico minime constat. cuius copia, cum permulta iam decennia continuo cresceret, tamen cum nimia calefactione, quam quattuor demum decennia habemus, parum congruit.
sed fateor non esse neglegendum, quantum dioxydum carbonicum in caeli calefactione valeat. sed in remediis quaerendis primum nobis videndum erit, ne nimia lignatio in silvis aequinoctialibus continuetur, deinde, ut quam plurimos possumus arbores seramus, quae illud ex aere excipiant, denique, ne tantum soli aedificiis exstruendis et bitumine adhibendo claudatur.
sunt igitur viae ad calefactionem reprimendam vel minuendam, quas consilio rationeque sequi oportet. neque insania et temeritate.
caveamus, ne studio immoderato et insano eorum, qui Sueculam istam sequuntur, discordia in civitatibus nostris amplius augeatur.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10451
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon Longipes » Di 8. Okt 2019, 23:38

Tiberis hat geschrieben:caveamus, ne studio immoderato et insano eorum, qui Sueculam istam sequuntur, discordia in civitatibus nostris amplius augeatur.

Ignosce mihi, optime Tiberis, sed et tu sine ira et studio loqui non videris. Aeque caveamus, ne omnes huius factionis studiosos una tractemus pertica. Inter adulescentes enim multi sunt, qui moderate ac diserte de his rebus disputent. Non cuncti studiosi seditiosi.

Sed aliquot verba maximi momenti fecisti: Unam et solam causam caeli calefacti non esse eminet et apparet. Certe nos harum rerum imperitos iudicio abstinere oportet. Margareta illa profecto cura caeli commota esse mihi videtur, ac sine dubio multi adulescentes iure perturbati sunt, cum fides Pacti Lutetiae praestari non videretur. Sed malum magnum ex metu illo vago, qui homines iterum atque iterum inflammat, exoriri potest. Nam homo metu ad furorem impulsus mox hanc, mox illam sectam sequetur, quo autem facto auctoritatem eiusdem sectae detrectabit.

Nihilominus et errantes verum dicere possunt. Fieri potest, ut nos plane erravisse intellegamus. Equidem, ut supra iam scripsi, victum nostrum nocentem existimo. Ut "-ismos" non postulo, ita prudentiam rationem consilium. Parcius vivere oportet – si non caeli, at tamen pacis causa.
In omnibus requiem quaesiui et nusquam inueni nisi in angulo cum libro.
Ἐν πᾶσιν ἡσυχίαν ἐζήτουν ὀυδὲ ηὗρον αὐτὴν εἰ μή ἐν γωνίᾳ βιβλόν τινα ἀναγιγνώσκων.
Benutzeravatar
Longipes
Dictator
 
Beiträge: 1731
Registriert: Mo 20. Sep 2010, 12:50

Nächste

Zurück zu Latine loquendi



Wer ist online?

Mitglieder in diesem Forum: 0 Mitglieder und 6 Gäste