aenigmata

Quo in foro Latine colloquamur!

Moderatoren: Zythophilus, marcus03, Tiberis, ille ego qui, consus, e-latein: Team

Re: aenigmata

Beitragvon Christophorus » Mi 13. Nov 2019, 10:06

Nobis iam auxilio magno esset, si sciremus, utrum lis fuisset inter civitates foederationis an inter foederationem et vicinum populum.
Timeo Danaos et donuts ferentes.
Christophorus
Senator
 
Beiträge: 2818
Registriert: Sa 27. Nov 2004, 23:43

Beitragvon consus » Mi 13. Nov 2019, 12:23

Est aenigma, optimi amici, de territorio perexiguo quod totum pars est Civitatum Foederatarum Americae et terminatur tribus limitibus qui regula et circino constituti sunt. Limes septentrionalis undequadragesimum fere tangit gradum latitudinis septentrionalis. Territorium ipsum simile est cuidam instrumento quo utimur ad lignum findendum.
:)
Zuletzt geändert von consus am Do 14. Nov 2019, 19:26, insgesamt 3-mal geändert.
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Willimox » Mi 13. Nov 2019, 14:52

Conso sodali carissimo s.p.d.

??????
Bild
"centum abhinc fere annos" ?????
Zuletzt geändert von Willimox am Mi 13. Nov 2019, 15:05, insgesamt 1-mal geändert.
Benutzeravatar
Willimox
Senator
 
Beiträge: 2725
Registriert: Sa 5. Nov 2005, 21:56
Wohnort: Miltenberg & München & Augsburg

Re: aenigmata

Beitragvon Tiberis » Mi 13. Nov 2019, 14:55

Iam pridem cogitavi, mi optime Conse, de confinio inter Pennsylvaniam et Terram Mariae (Maryland) sito, quod saec. XVIII a Carolo Mason et Ieremia Dixon secundum XXXIX. fere latitudinis gradum constitutum est. qua mensura acta controversia , quae inter eas civitates orta erat, imprimis de situ ac possessione Philadelphiae, dirimi potuit.
sed miror, quod scripsisti controversiam "centum fere abhinc annos" esse diremptam. nonne iam ducentos abhinc annos lis fuit composita?
:?
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Beitragvon consus » Mi 13. Nov 2019, 15:58

Consus amicis suis illustrissimis s. d. p.
Doleo, mi Thrasybule, quod etiam tu in errore versaris, neque enim nobis monstras territorium perexiguum. :sad:
Terminatur quidem, mi Tiberis, territorium minutissimum quod vobis investigandum dedi a septemtrionibus et ab occidente illa linea, quam Mason et Dixon duxerunt, sed ab oriente definitur segmento circuli de quo est aenigma quod in hoc foro anno MMVIII Nonis Iuliis propositum est. Controversia in quam hoc territorium venerat saec. XX composita est.
Gratulor ergo tibi quod maiore ex parte aenigma solvisti. :-D Restat nihil aliud nisi ut territorii nomen nobis dicas Americanum quod tractum est ab eius forma.
Agedum!
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Do 14. Nov 2019, 00:51

Tiberis Conso, amico suo, sal.
o rem confusam ! in hoc exiguo territorio inveniendo haud exiguum temporis spatium insumpsi :cry:
sed nunc aenigma solvisse videor: ni fallor, territorio nomen Americanum est "the wedge", i.e. cuneus.
Territorium ipsum inter lineam a Mason et Dixon appellatam et circulum, quo civitas Novi Castelli (Newcastle) terminabatur, situm est.
:hairy:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Beitragvon consus » Do 14. Nov 2019, 11:22

Tiberis scripsit / hat geschrieben:... in hoc exiguo territorio inveniendo haud exiguum temporis spatium insumpsi ...
Gaudeo quidem, mi amice doctissime, quod Cuneo illo perexiguo indagato aenigma feliciter solvisti, sed simul gravissimo afficior dolore, quod ex implicitis verbis meis tantam te video cepisse molestiam. Pudore suffusus neglectum a me fateor esse vetus illud dictum „Est modus in rebus …“. Valde ergo peto ut mihi ignoscas.
:shock:
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Fr 15. Nov 2019, 00:31

consus hat geschrieben:quod ex implicitis verbis meis tantam te video cepisse molestiam.

cave putes , mi amice, me ullam ex verbis tuis cepisse molestiam! res ipsa, de qua agebatur, implicata atque obscura mihi visa est.

sed nunc aliquid novi:


Oppidulum quaero, mediis situm in Alpibus altis:
fluminis Alpini nomen ab ore trahit.
Huc, alibi dum belligeratur, homo ingeniosus
venit, ut in tuto continuaret opus.


nomen oppiduli?
quis homo ingeniosus?
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Beitragvon consus » Fr 15. Nov 2019, 14:44

Tiberis scripsit / hat geschrieben:...cave putes ... me ullam ex verbis tuis cepisse molestiam! ...
Gratias tibi ago, mi Tiberis, quod his lectis humanis verbis animo nunc conquiesco.
Quod quidem ad aenigma attinet, cogitare te puto de Ferdinando Porsche et de oppidulo in Carinthia sito cui nomen est Gmünd.

:stretch:
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Fr 15. Nov 2019, 21:10

Denuo aenigma, ut abs te fieri solet, brevissimo tempore perfecte solvisti. gratulor! :klatsch:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Aenigma brevissimum

Beitragvon consus » Sa 16. Nov 2019, 12:11

Qua de causa, optimi amici, imprimis urbes Tergeste Massilia Amsterodamumque apud eos qui maxima cum cura quasdam Europae regiones in tabulis geographicis depingunt magni sunt momenti?
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Sa 16. Nov 2019, 14:26

Conso suo sal.

mihi ut geographo esset pudori, nisi hoc aenigma solverem. :D
in tabulis geographicis uniuscuiusque loci altitudo ad mediam aequoris altitudinem referri solet, scilicet eius maris, quod proximum est terrae, quae Illis tabulis depingitur. ita fit, ut in tabulis Austriacis omnes altitudines ad mediam aquae superficiem in portu Tergestino referantur, in tabulis Batavis ad medium aequor Amstelodamense eqs.

:stretch:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Gratulor

Beitragvon consus » So 17. Nov 2019, 13:17

Gaudeo, mi Tiberis, quod nunc quidem sine ulla molestia hoc aenigma solvisti. :D
Faustum tibi precor diem Solis.
Benutzeravatar
consus
Pater patriae
 
Beiträge: 14234
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: aenigmata

Beitragvon Tiberis » Mo 18. Nov 2019, 01:13

Liber quidam saec. XXI. editus est de matre, quae filia casu repentino amissa operi cuidam musico se dat, ne memoria filiae oblivione obruatur. clavicymbalo cum canit, filiam prope se esse credit.

quis scripsit?
quod opus musicum?

:chefren:
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 11862
Registriert: Mi 25. Dez 2002, 20:03
Wohnort: Styria

Re: aenigmata

Beitragvon marcus03 » Mo 18. Nov 2019, 07:13

marcus03
Pater patriae
 
Beiträge: 11399
Registriert: Mi 30. Mai 2012, 06:57

VorherigeNächste

Zurück zu Latine loquendi



Wer ist online?

Mitglieder in diesem Forum: 0 Mitglieder und 13 Gäste