De caelo servando

Quo in foro Latine colloquamur!

Moderatoren: Zythophilus, marcus03, Tiberis, ille ego qui, consus, e-latein: Team

Re: De caelo servando

Beitragvon Tiberis » Fr 11. Okt 2019, 20:54

vehementer gaudeo, quod non sancta illa Margareta, cui a multitudine favebatur, sed Abiy Ahmed, qui de pace optime meritus est, praemio Nobeliano honoratus est. ergo eos, quorum erat dignissimum vel dignissimam eligere, ad sanitatem revertisse apparet, praesertim cum illud praemium nimis saepe iis tributum sit, qui tanta laude indignissimos se praestiterunt. Margareta Thunberg licet de caelo servando sit merita, ad pacem servandam vel faciendam studium eius minime pertinet.
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10706
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon consus » Sa 12. Okt 2019, 11:47

Tiberis scripsit / hat geschrieben:vehementer gaudeo, quod non sancta illa Margareta, cui a multitudine favebatur, sed Abiy Ahmed, ....
Mihi quoque scito admodum placere praemio Nobeliano optimum illum virum Aethiopem esse affectum. Puto enim, si aliter de praemio tribuendo decretum esset, futurum fuisse ut virguncula Sueca iam nunc quasi pro sancta habita omnino canonizaretur. Di meliora…!
:roll:
Benutzeravatar
consus
Pater patriae
 
Beiträge: 14035
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: De caelo servando

Beitragvon marcus03 » Sa 12. Okt 2019, 12:58

Ceterum censeo illam puellam statim esse canonizandam. Nonne illis, qui caelum servare cupiunt, patrona opus est, quam colant et adorent quaeque sibi locum praeparet caelestem orbe aestu exstincto.
Ille gigas ruber, in quem sol olim convertetur, nos salvere iubet. :wink:
marcus03
Dominus
 
Beiträge: 8848
Registriert: Mi 30. Mai 2012, 06:57

Re: De caelo servando

Beitragvon mystica » Mo 14. Okt 2019, 18:44

Tiberis hat geschrieben: multitudine tam excitata novam credas religionem esse ortam, in qua Sancta illa Margareta quasi dea adoratur. cuius autem religionis sacerdotes vel potius prophetae sunt viri Illi peritissimi qui dicuntur, quibus nisi confidis, ex societate bonorum excluderis impietatisque damnaris.


Salve optime Tiberis!
Si vales, bene est, ego quidem valeo!

Discipula Greta Thunberg videtur mihi nulla quasi dea nec propheta nec sancta esse. Puto discipulam Gretam Thunberg tantum id referre, quod in disputationibus peritorum scientiarum iamdudum notum est. Ergo de origine religionis novae loqui videtur mihi absurdum esse. Nam Greta ipsa enim nos admonet, ut cognitiones scientiarum sequamur, quas nos periti scientiarum docent. Certe dissensio inter peritos scientiarum est, sed multi eorum de periculis caeli mutantis maxime consentire videntur. Itaque videtur mihi maximi momenti esse, quod de hac quaestione rationem sequimur.

Cura ut valeas ! Tua Mystica ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 816
Registriert: So 3. Mär 2019, 10:37

Re: De caelo servando

Beitragvon Tiberis » Mo 14. Okt 2019, 22:36

Mysticae suae sal.

Longe aliter de ea re sentio. Nonne apparet Sueculam istam iam pridem in statum sanctae virginis esse redactam, quam qui reprehendit, ab iis, qui in civitate plurimum valent, palam detrectatur ? non multum abest, quin a Francisco pontifice maximo canonizetur, quod de salute gentis humanae optime sit merita. sed num quandam rerum meteorologicarum habeat notitiam, vehementer dubito. quibus rebus quod summa diligentia non studuit, quid ergo ei reliquum est nisi ut viris doctis, qui dicuntur, quique quasi sacerdotes novae religionis habentur, confidat hominesque moneat, ut ipsi iis credant? quid? nonne id ipsum religionis proprium est, ut homines, ubi nil sciunt, sacerdotibus confidant? Sed isti sacerdotes nostri temporis nonne possunt errare? licet caelum his decenniis calescat , quod nemo fere dubitet, tamen caelum, quale futurum sit, certa ratione praedici non potest. nonne id ipsum caeli proprium est, ut usque commutetur? miror homines promptos ad credulitatem, qui, cum de caelo calescente agitur, temere Illis credant, qui tempestatem, qualis proxima septimana futura sit, praedicere nequeant. nonne ipsi Illi, qui caelo nunc calescente gravissimam orbi terrarum cladem praedicunt, XL abhinc annis dicititabant aetatem glacialem nobis imminere?
utcumque se habet res: neque insania nec temeritate opus est. Non memini tantam umquam praevaluisse insaniam , ne eo quidem tempore, cum anno MCMLXII bellum *nucleare imminuit.

vale :)
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10706
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon mystica » Di 22. Okt 2019, 15:08

Tiberis hat geschrieben: non multum abest, quin a Francisco pontifice maximo canonizetur, quod de salute gentis humanae optime sit merita.


Salve optime Tiberis, mi amice carissime!

Tuum responsum diligenter legi. Argumenta tua videntur mihi ad hominem esse. Pontifici maximo Francisco Gretam Thunberg sanctam proclamare non licet. Haec enim est res Sanctae Sedis Apostolicae Romae cui causa "Gretae Thunberg" probanda est. Sed verba tua de Pontifice Francisco, sacerdotibus et religione videntur mihi bellica esse. Nam ea revera sunt absurda.

Constat discipulam Gretam Thunberg de caelo servando valde sollicitatam esse. Puto discipulam Gretam Thunberg iure periculis caeli mutantis angi et cruciari . Haec enim est non solum opinio discipulae Gretae Thunberg, sed etiam sententia multorum peritorum scientiarum. Cura nostri temporis futuri me iungit cum Greta Thunberg. Sentio curam temporis futuri maximi momenti esse ut homines aetatum futurarum in hoc mundo vivere possint. Nunc autem tempus nobis adest agendi est et vitam nostram mutandi!

Cura ut valeas! Tua amica et studiosa Mystica ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 816
Registriert: So 3. Mär 2019, 10:37

Re: De caelo servando

Beitragvon Exinterator » Mo 4. Nov 2019, 00:17

Gretae imago ita fabrefacta est ut stultissimum quemque ad res novas excitet. Totum id ad rem politicam spectat. Unde, quae de re "oecologica" illa philosophatur, magni momenti non sunt. Ceterum ut quis fiat sanctus, processus requiritur; pontifici autem cum ea re nihil fere negotii est.
Benutzeravatar
Exinterator
Consul
 
Beiträge: 387
Registriert: Mi 15. Jul 2015, 01:17

Re: De caelo servando

Beitragvon Tiberis » Di 19. Nov 2019, 01:21

Libertas dicendi quantum iam periclitetur, in nuntio quodam apparet, quem modo legi. Virorum doctorum, qui de caelo investigando bene meriti sunt, conventus haberi a procuratoribus deversorii, quo erant conventuri, ex improviso vetitus est, quamvis iam pridem inter utrosque de conventu habendo convenisset. Sed nescioqui diurnarius Berolinensis Illis minatus est deversorio fore detrimento, si iis, qui negarent terram culpa hominum calescere, oecos suos locarent. accedit, ut eos eiusdem mentis insimulaverit, qua sectatores factionis AfD essent. Quid plura? Turba Thunbergianorum in deversorium invasit, nescioquae carmina cecinit, nescioquas schedulas distribuit et graviores molestias minata est, si conventus haberetur.
Ubinam gentium sumus? Qua in civitate vivimus? Crederes vigiles publicos vocari, interpellatores accusari vel saltem e deversorio expelli. cuius procuratores tamen turbae cedunt et conventum renuntiant, quia a propositis suis abhorreret.
vae nobis, si ii, qui aliter sentiunt ac multitudo, non solum non audiuntur, sed etiam in libertate dicendi vi minisque coercentur. :hairy:

https://www.eike-klima-energie.eu/2019/11/18/eilteilt-eike-klimakonferenz-muenchen-links-gruener-faschismus-schickt-mob-auf-die-strasse-die-erpresst-hotelleitung/

https://www.andreas-unterberger.at/2019/11/einschchterung-die-strategien-der-grnen-klima-terrors/
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10706
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon consus » Di 19. Nov 2019, 12:51

Tiberis scripsit / hat geschrieben:... vae nobis, si ii, qui aliter sentiunt ac multitudo, non solum non audiuntur, sed etiam in libertate dicendi vi minisque coercentur. ...
:klatsch:
Vehementer, mi Tiberis, iudicio tecum sto et opinione contra insanos istos latratores qui acri acutoque ingenio se percenseri acerbe ferentes omnibus modis, id est etiam per vim, eos qui alia sentiunt ad silentium redigendos elinguesque reddendos esse censent. Quae pravitas adeo interea ingravescere videtur ut putare nobis liceat novam quandam provenisse religionem tamquam si sola hac via hominibus vera praestari posset felicitas. Quis nostrum est quin odiosa hac arrogantia perspecta stomacho exardescat? Fortiter contra disputemus!
8)
Benutzeravatar
consus
Pater patriae
 
Beiträge: 14035
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: De caelo servando

Beitragvon Tiberis » Mi 20. Nov 2019, 02:53

Longipes hat geschrieben:Dubito me scriptoribus harum paginarum magis credere quam illis, quos "turbam Thunbergianorum" vocasti.

Non refert, cui credamus, nisi forte religionem esse confiteris, de qua loquimur. Sed disputatio, quae est de caelo calefacto, non ad religionem debet pertinere, sed ad litterarum studia. In quibus qui versantur, imprimis videant, ne unam ac solam veritatem sibi vindicent, praecipue in ea disciplina, cuius est res futuras praedicere. Magna pars eorum, qui caeli commutationes studiose tractant, persuasum habeat dioxydum carbonicum novissimae calefactionis esse causam; Quorum argumenta licet vera sint (quod minime constat), tamen etiam ii audiendi sunt, qui contra dicunt.
Longipes hat geschrieben:At ii, qui verbis "links-grüner Faschismus" vel "grüner Klima-Terror" utantur (quae Latine reddere operae pretium non est), minime in utramque partem disserere mihi videntur

num ii, qui studio insano adducti eos, qui aliter sentiunt, in libertate dicendi coercent, "in utramque partem disserunt"? Isti Thunbergiani tantum abest, ut in utramque partem disserant, ut totam civitatem in religionem suam subigant.
contra numquam audivi adversarios eorum quemquam prohibuisse, ne aperte , quod sentiret, diceret.
Fuit quondam libera doctrina,fuerunt liberae artes. At nostris temporibus Thunbergiani eorumque sacerdotes, Marxistae omnesque, quibus sentiendi libertas invisa est ,non modo universitates studiorum iam pridem dicioni suae subiecerunt, sed omnes fere artes. Quocumque nos vertimus, libertas sentiendi dicendi agendi coercetur. Quousque tandem patiemur nos cives liberos quasi in tutelam paucorum venire?
Libertas in periculo est. Resistamus oportet !
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10706
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon mystica » Do 21. Nov 2019, 12:38

Longipes hat geschrieben:
Tiberis hat geschrieben:Fuit quondam libera doctrina,fuerunt liberae artes.

Quando fuit haec aurea aetas liberae doctrinae atque artium liberarum?


Salve optime Longipes, mi amice carissime! Profecto haec est quaestio finitiva! Noster optime Tiberis, qui amator poetarum est, ut scis, videtur mihi de aura aetate Ovidii in eo genere loqui. Haec autem est res fictae et adumbratae! Itaque haec metuo, ne sint somnia… Vale! Mystica ;-)
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 816
Registriert: So 3. Mär 2019, 10:37

Re: De caelo servando

Beitragvon consus » Do 21. Nov 2019, 17:03

somnia
Quisquis poetis obicit quod fabulas quasi per somnia comminiscuntur, is oblivisci videtur etiam regnum quod vocatur Dei nihil aliud esse nisi somnium, id est "rem fictam et adumbratam".
Benutzeravatar
consus
Pater patriae
 
Beiträge: 14035
Registriert: Do 27. Jul 2006, 18:56
Wohnort: municipium cisrhenanum prope Geldubam situm

Re: De caelo servando

Beitragvon mystica » Fr 22. Nov 2019, 13:46

consus hat geschrieben:
somnia
Quisquis poetis obicit quod fabulas quasi per somnia comminiscuntur, is oblivisci videtur etiam regnum quod vocatur Dei nihil aliud esse nisi somnium, id est "rem fictam et adumbratam".


Salve optime Conse!

Doleo quod de regno Dei nihil scire videris. Regnum Dei est sancta mater ecclessia, quae corpus mysticum Christi in praesentia etiam nunc in terra et perfectum in caelo est.

Hanc doctrinam ecclesiae apud Sanctum Augustinum legimus, ubi scriptum est:

" 'Venite benedicti Patris mei possidete paratum vobis regnum a constitutione mundi' (Mat 25, 34). Nisi alio aliquo modo, longe quidem impari, iam nunc regnarent cum illo sancti eius: 'Ecce ego vobiscum sum usque in consummationem saeculi' [...] Ergo et nunc Ecclesia regnum Christi est regnumque caelorum. Regnant itaque cum illo etiam nunc sancti eius. aliter quidem quam tunc regnabunt; [...] Postremo regnant cum illo, qui eo modo sunt in regno eius ut sint etiam ipsi regnum eius". (Cf. S. Augustinus, De civitate Dei XX, 9, 1).


Itaque una Sancta Catholica Apostolica ecclesia est regnum Dei sive Christi et regnum caelorum.

Inanis verborum torrens poetarum, quibus de aurea aetate fabulant, videntur mihi etiam nunc nihil quam phantasia pura esse.

Vale! Mystica :D
"Cum quo enim Deus est, nunquam minus solus est, quam cum solus est. Tunc enim libere fruitur gaudio suo, tunc ipse suus est sibi, ad fruendum Deo in se, et se in Deo". (Beatus Abbas Bernardus Claraevallensis)
Benutzeravatar
mystica
Censor
 
Beiträge: 816
Registriert: So 3. Mär 2019, 10:37

Re: De caelo servando

Beitragvon Tiberis » Fr 22. Nov 2019, 14:10

Quando fuit haec aurea aetas liberae doctrinae atque artium liberarum?


aurea an fuerit, nescio. neque tamen memini sexto saec. XX decennio, cum in universitate Graecensi studerem, umquam accidisse, ut cuiquam libera oratio negaretur. sed post annum illum duodeseptuagesimum Marxistae , quorum mentem a libera oratione abhorrere constat, pedetemptim universitates in dicionem suam redigebant. Sequebatur, ut non modo studiosi oratoribus, quorum sententiam minime probavissent, magna voce reclamarent eorumque libertatem dicendi minuerent, sed etiam rectores nescioquo timore adducti, ne quid permitterent, quod multitudini displiceret, prohiberent, ne cui oratori, qui aliter ac multitudo sentiret, facultas ad dicendum daretur. Hoc ipso tempore magis magisque apparet libertatem dicendi summo esse in periculo, cf.https://www.welt.de/politik/deutschland/article203520620/Universitaeten-Anja-Karliczek-sieht-Meinungsfreiheit-in-Gefahr.html
ego sum medio quem flumine cernis,
stringentem ripas et pinguia culta secantem,
caeruleus Thybris, caelo gratissimus amnis
Benutzeravatar
Tiberis
Pater patriae
 
Beiträge: 10706
Registriert: Mi 25. Dez 2002, 20:03
Wohnort: Styria

Re: De caelo servando

Beitragvon Willimox » Fr 22. Nov 2019, 14:32

"Phantasia Pura"

Utinam regnum dei tam visibile esset quam fides mystica in hoc genere scribendi!

Gaunilo Thrasybulus
Benutzeravatar
Willimox
Dictator
 
Beiträge: 2405
Registriert: Sa 5. Nov 2005, 21:56
Wohnort: Miltenberg & München & Augsburg

VorherigeNächste

Zurück zu Latine loquendi



Wer ist online?

Mitglieder in diesem Forum: 0 Mitglieder und 7 Gäste