aenigmata

[Tiberis]

In fabula notissima quae agit partes
primas, habet persona dramatis nomen,
quo lingua eadem viculus solet dici.

quod nomen?

[marcus03]

Anatevka ?

[Tiberis]

erras, mi Marce. num vocabulum "anatevka" idem significat ac viculus? (praeterea anatevka nomen oppiduli - ficticii - est, non viculi)

[Tiberis]

nescio an rem parum accurate exposuerim. quamobrem exemplum velim afferre: res ita se habet, quasi musicus quaeratur, cuius nomen in ipsius lingua rivum significat. (> Bach)

[mystica]

Salve optime Tiberis, mi amice care!

Mihi ursus nomine Paddington esse videtur. An erro?

Vale! Tua amica et studiosa, Mystica

[Tiberis]

etiam tu in errore versaris, optima Mystica. neque enim pellicula quaeritur, sed drama notissimum , quod in theatris plerumque editur. ceterum Paddington , ni fallor, est regio urbana (scil. Londinii) nec viculus paganus, qui ex paucis tantum aedificiis constare solet.

[consus]

Aenigma tuum, mi ingeniosissime amice, puto esse de nomine Hamlet, quod verbum Britannicum viculum significat ("a settlement smaller than a village").

[Tiberis]

Res denuo tibi est soluta perfecte.
congratulor! nunc , Conse, tu novum pone!

[consus]

In celeberrima urbe Europaea, illustrissimi amici, saec. XVIII mirum constructum est aedificium rotundum quod CXL fere continet cubicula distributa per quinque contignationes. Equidem timeo ne nostra aetate non pauci homines aedificii interiora perlustrantes acerbo perfundantur horrore. In conspectum enim dantur permultae humani corporis partes deformatae.

Quod aedificium? Qua in urbe?

[medicus]

Quod aedificium? Qua in urbe?

Aedificium turris mororum vocatur, sita Vindobonae, mihi adhuc non nota

[consus]

Bene, o medice, solvisti aenigma. Ecce https://de.wikipedia.org/wiki/Narrenturm Nunc ordo te vocat...

[medicus]

Salvete collegae doctissimi! Hic est aenigma novum:

Quaeritur nomen, quod et plantam et hominem significat, qui fortis non est, sed nervorum infirmorum. Nomen Graecae et Latinae originis est.

[consus]

Cogitare te, optime medice, puto de Mimosa pudíca. Theodiscum verbum "Mimose" hominem significat, qui facile laeditur.

[medicus]

Salve conse, aenigma optime solvisti, de illa planta cogitavi.

[consus]

Obversatur mihi ante oculos, illustrissimi amici, nomen mulieris pietatem turpiter neglegentis quam in scaenam producit clarissimus fabularum poeta. Quae mulier una erat ex tribus sororibus. In eius nomen si A litteram inserueritis, in memoriam redibitis principis rei publicae, qui hoc saeculo mortuus est.
Quod nomen vel potius quae nomina?