aenigmata

[consus]

Temporis iniquitate, mi Tiberis, impeditus sum quominus in forum nostrum descenderem, sed tempus tandem nactus sum ut de aenigmate paulo diligentius meditarer. Cum verba tua iterum ac saepius perpenderem, in mentem mihi venit Léopold Sédar Senghor clarissimus vir Senegalensis. Qui ante oculos nostros imprimis posuit quid de Negritudine quae dicitur sentiret. Senghoris sententias, cum abhinc quinquaginta quattuor annos Aquis tiro essem, cognoveram.

[Tiberis]

Est Senghor Leopoldus, Africanus
praeses nobilis et poeta clarus,
qui feliciter est tibi repertus.
qua de re tibi gratulor, mi amice.

[consus]

Amicis suis litteratissimis sal.
Ecce locus quem excerpsi ex libro celeberrimo et his fere verbis Latine reddidi:
Heri revocati sex milia absumus ab hostibus. Stomachis phaselis bubulaque carne confertis saturati nunc sumus et contenti. Complevimus etiam vasa, ut cibus nobis esset vespertinus; praeterea duplex unicuique nostrum data est botuli panisque portio – magnum sane adiumentum.
Inscriptio libri?
Nomen scriptoris?

[Tiberis]

Tiberis Conso suo s.p.d.

Quam iuvat aliquid novi a te propositum legere, licet nihil novi sit, de quo agitur.
nam liber abs te quaesitus , qui est de bello mundano primo, inscriptus est "nihil novi in occidente". qui liber, quem Ericus Maria Remarque composuit, incipit ab his verbis:

Wir liegen neun Kilometer hinter der Front. Gestern wurden wir
abgelöst; jetzt haben wir den Magen voll weißer Bohnen mit Rindfleisch und sind satt und zufrieden. Sogar für abends hat jeder
noch ein Kochgeschirr voll fassen können; dazu gibt es außerdem
doppelte Wurst- und Brotportionen, – das schafft.

vale quam optime!

[Tiberis]

iam transierunt plus decem dies: quid est, cur
aenigma ponas neglegasque responsum?

[consus]

Carmine perlecto, mi Thybris, sanguinolentus

Ora pudor subiit. Res odiosa mihi:

Nostras nam leges scio me violasse tacendo.

Paenitet et facto torqueor ipse meo.

Parce mihi misero miti nunc mente, sodalis;

Clementem spero te fore: gratus ero.

____________________________________
V. 4: Paenitet et ...: cf. Ov. Pont. 1, 60.

Consus Tiberi amico suo litteratissimo s. d. p.
Da mihi veniam: parum diligens fui. Quod ad ipsum aenigma pertinet, tibi gratulor de re perfecte soluta.
Vale et salve!

[Tiberis]

non est , amice, cuius te pudeat. nonne ipse quoque saepissime cessabam in respondendo ?

ecce aenigma novum:

Quidam legatus, qui favebat musicae,
a musico petiverat clarissimo,
ut vocibus quid quattuor componeret.
Triplex habet nomen suum a legato opus.

quod opus?
nomen legati?
nomen musici?

[ille ego qui]

Quidam legatus, qui favebat musicae,
a musico petiverat clarissimo,
ut vocibus quid quattuor componeret.
Triplex habet nomen suum a legato opus.

Senarii hi mihi videntur esse. Fallor?

[Tiberis]

senarii evenere, quamvis scribere
vellem trimetros. error - eheu - accidit
in syllaba una, longa quae esse debuit.*)
eheu, ocellos nil tuos acres fugit.

*) le- (legatus)

[mystica]

.

[Tiberis]

Gratulor tibi, optima mystica, de aenigmate perfecte soluto ! non mehercle exspectavi musicae quoque, quae classica dicitur, peritissimam te praestaturam. euge !

[ille ego qui]

senarii evenere, quamvis scribere
vellem trimetros. error - eheu - accidit
in syllaba una, longa quae esse debuit.*)
eheu, ocellos nil tuos acres fugit.

*) le- (legatus)

Gratias plurimas tibi ago!

[mystica]

.

[consus]

Consus Mysticae s. p. d.

Aenigma abs te propositum hoc ego modo ausim solvere:

I. Quis scriptor? J. R. R. Tolkien
II. Inscriptio libri? Hobbbitus Ille / The Latin Hobbit for Everyone (trans. Marcus Walker)
III. Quod nomen viri, qui Dominus appellatur? Baggins

Vale!

[mystica]

.