Nugae

[Zythophilus]

Cedent Hispani, cum uenerit Anglica turma,

an patrias oras Anglia uicta petet?

[Zythophilus]

Anglos posse pila superare uidentur Iberi,

ut fundat lacrimas Anglica uicta cohors.

[Zythophilus]

Anglorum celeri non cessit Iberia turmae

Hispanosque uiros tradita palma iuuat.

[Zythophilus]

Anglos quod uicit, nunc gaudet Iberia tota:

famaque Iberorum maxima semper erit.

Quis uicisse pila missa pede norit Iberos,

cum uer post hiemem coeperit ire nouum?

[Zythophilus]

Oppidulum positum inter stagna iugumque petetur

Lychnidus, et nostros alluet unda pedes.

Mox ueniam, pisces! Abscondite corpora uestra,

ne cunctos prope aquam uos auido ore uorem.

[Zythophilus]

Ohrid St.Paul.png (35.1 KiB) 4160-mal betrachtet

Venit per liquidas huc Paulus apostolus auras

an celeris posthac abstulit ala senem?

[Zythophilus]

Nos iimus celeres ad litora amoena paludis,

cuius edens pisces Lychnidus haurit aquas.

Et manet exstructum Graecorum aetate theatrum

pluraque sunt Christo templa sacrata Deo.

Hic posuere tibi statuam cum fratre, Cyrille,

nam per te populo tradita littera erat.

[Zythophilus]

Progreditur portu classis uel litus aditur,

qua constas prope aquas cum cruce, aene puer.

Hic quoque Sanctus habet simulacrum nomine Clemens,

Slauos qui docuit scribere uerba notis.

Haud procul hinc casulae constant prope litus in unda,

quas ueteres gentes aedificasse putes.

Fulcimenta domus sustentant lignea factas,

totum ferre palus ut uideatur opus.

Luteus est paries, homines qui tegerit olim,

et pluuias arcet canna palustris aquas.

[Zythophilus]

Hic pingues salares nutrit uastissimus humor,

cum sit squamigeris caerulea unda domus.

Extractis placuit supponere piscibus ignem,

nec capere hos raros lege uetante licet.

[Zythophilus]

Beware of peacocks.png (173.31 KiB) 3992-mal betrachtet

„Noli nos, pauo, rostrum mordere cauentes!“

Alite non uiso signa legenda monent.

[Zythophilus]

En, radiis splendet Macedonum stella bis octo,

sed uetus hoc signum liuida Achaia negat.

https://upload.wikimedia.org/wikipedia/ ... 29.svg.png

[Zythophilus]

Christum trans rapidum Dominum qui ui tulit amnem,

haec est Christophoro sancta dicata dies.

[Zythophilus]

Est iam rus Macedonicum relictum
nec piscosa palus loqui sub arce
auditur mihi nunc domi moranti.
Quando Lychnidus et lacus adiacentes
a nobis repetentur et tabernae,
quae carnes super ignibus minutas
et farcimina salsa solent domare?

[Zythophilus]

Quae mala Turcarum destruxerat ante libido,

stant solito nuper reddita templa loco

inque suo tua sunt, Clemens, posita ossa sepulcro,

quo fusura preces turba uenire solet.

[Zythophilus]

Ferreus in patriis gallus nos excitat oris

teque paro, mollis, linquere, lecte, miser.