Denique post siccum caupona est tempus aperta.
Arentis fugiunt magna pericla gulae.
Tonsoremque sinunt faciem tractare caputque:
Reddita caedendae magna pericla gulae.
Nummis, ut laticis Cerealis sit satis, utor
nec tibi, da ueniam, tonsor, adesse uolo.
Non reddit cupido mihi acuta nouacula potus,
reddere quod possunt pocula quodque liquor.
Quid sit opus forma, quid comptis arte capillis,
cum sitis, ignoro, torqueat ora grauis.