Salve, Martine !
Gaudium nobis affers laudemque nobis extorques magnam, nam videre novum sodalem in hoc foro Latinitatis semper est res iucunda, praesertim cum tempore feriarum sit iucundius
hic hoc illudve verbum concipere.
Hic ergo forum Latinitatis invenisti, et..amicos Linguae Latinae permultos ! Sunt nati vel
habitant in Austria, Germania et Bavaria
; plerisque sodalibus Honos Magni Latini tributus est. Nonnulli sunt magistri Linguae Latinae, Graecae vel etiam Informationum, Theologiae an Aegyptologiae ! Sed etiam discipulos vel studentes hic invenies !
Unusquisque nostrum novit illud praeclarum Caesaris opus describens illud bellum Gallicum,
et cui tempus est, is etiam Latine ore loqui potest in conventu huius anni !
Vide hunc locum fori nostri modo descriptionis interretis a me insertum diem et facta dicentem:
http://www.latein.at/forum/viewtopic.php?t=17889
Moderatori nostro, Apollodoro, nuntium (PN) mittas, si res ea tibi placeat.
Sed nunc : opto, ut valeas !
-Lord.-