Consus Tiberi suo s.d.p.
Valde tibi gratulor de aenigmate cum recte probeque tum etiam incredibili celeritate soluto. Equidem admiror, quanta tu sagacitate versibus meis perlectis rem investigaveris.
De loco, ubi monumentum illud repertum est, Ausonius poeta in Mosella (vv. 10sq.) haec scribit:
Et tandem primis Belgarum conspicor oris
Noiomagum, divi castra inclita Constantini.Ceterum paullulum torqueri me fateor quaestione, quam ob rem fluviatilis illa navis, cum oneraria sit, rostro sit armata. Nonne navis est sane insolita? Forsitan ut terribiles dracones, ita et rostrum nihil aliud sit nisi ornamentum αποτÏόπαιον.
Felicissimum tibi exopto diem Solis.