Tiberis sodalibus s.p.d.
denuo vobis aenigma propono geographicum, sed ita, ut vobis iter ferriviarium investigandum sit in quadam regione Alpina factum:
Orbita declivis sequitur flumen violentum,
cuius aquae rapidae murmure saxa sonant.
Non locus est carris angusta in valle viisque :
tramite silvestri vix iter hic facias.
Planities silvosa patet, cum liquerit agmen
praecipitans cursu fusca cunicla suo.
Hic locus est, ubi sistunt agmina, frigida ad antra
montana ut possis scandere funivia.
A laeva mox conspicies mirabile stagnum,
quod genuit glacies tempore praeterito.
Altera ripa lacus decoratur ab oppido amoeno:
oppidulum ut teneas, utere navicula!
a qua statione (vel oppido) iter incipit?
nomen fluminis?
nomen lacus?
quae antra?
nomen oppiduli ad lacum siti?